Issoti issoti bantta deˈoy kaseegaappe loˈˈanaagaa hidootidi paraman shaahettoosona, harati qassi issippe deˈanau koyiyaaba gidikkokka, bantta aqo laggee koyenna gishshau paraman shaahettoosona. SHin, paraman shaahettidaageetuppe darotu deˈoy, hegaappe simmin eti qoppidoogaadan gidennan metiyaagaa gidees. Neeni ne aqo laggiyaappe mata wode paraman shaahettidaba gidikko, hegee hanno gakkanau nena gakkidabaappe keehi unˈˈissiyaaba gidiyoogaa akeekennan aggakka. Hegaa gishshau, aqo laggeppe paraman shaahettiyoogee kaalettiyoobaa genccanau maaddana danddayiya, Geeshsha Maxaafan deˈiya zoretuppe amaridaagaa qoppiyoogee daro maaddees.

Miishshan metootiyoogaaranne naata dichiyoogaara gayttidabay, qassi boorasee keehi unˈˈissana danddayees; issi uri hegaa mala hanotay gakkiyo wode darotoo sohuwaara minettenna. Aqo laggiyaappe paraman shaahettidi daro layttaappe guyyiyankka, issoti issoti aqo laggee eta kaddidoogaanne aggidoogaa qoppoosona; etau “deˈoy hada, azzanttiyaaba, qassi boorasanaadan oottiyaaba” gidiyoogaa Judiz Waleristteyin giyo eranchiyaa akeekaasu.

AY OOTTANA DANDDAYAY?

• Aggidoban azzaniyoogaa. Neeni haˈˈikka he uraa siiqiyo gishshau laamotana danddayaasa. Intte dabbotay duuxxidaba gidikkokka, neeni aqo deˈuwan  demmanau qoppido ufayssaa demmabeenna gishshau azzanana danddayaasa. (Leemiso 5:18) ‘Yeekkana koshshiyo wodiyan’ yeekkanau yeellatoppa.—Eranchchaa 3:1, 4.

• Asaappe shaahettoppa. Azzaniyo wode asaappe shaahettana koyiyaaba gidikkokka, asaappe daro wodiyau shaahettiyoogee qohees. (Leemiso 18:1) Yootiyoobay tuma gidikkokka, kase aqo laggiyaa darotoo amassaliyoogee harati neeppe haakkanaadan oottana danddayiyo gishshau, ne laggetuura minttettiyaabaa haasaya. Paraman shaahetta simmada sohuwaara gitabaa kuuyana koshshikko, neeni ammanettiyo ura zoriyaa bessa.

• Care for your health. The stress of divorce often brings physical problems, such as high blood pressure or migraines. Eat well, exercise, and get sufficient sleep.​—Ephesians 5:29.

• Ne kase aqo laggiyaa bolli yiillotanaadan oottiyaabata woy koshshennabaa diggaycha; shin keehi koshshiya woraqataa qotta. Bullachaa wode denddido pootuwaa malabay azzananaadan oottiyaaba gidikko, saaxiniyan ne naatuyyo qotta wotta.

• Qohiya qofaa teqqa. I azinay wodiraa laammin paraman shaahettida Olgga, “‘Taappe a aybin keehin ikko biidee?’ gaada darotoo tana oychays” yaagaasu. Gidoppe attin, Olgga guyyeppe akeekidoogaadan, qohiyaabaa darotoo qoppiyoogee ‘ayyaanay meqqanaadan’ oottana danddayees.—Leemiso 18:14.

  Daroti bantta qofaa xaafi oyqqiyoogee banttana qofissiyaabaa shaakkidi eranaadaaninne hegaa danddayana mala maaddidoogaa akeekidosona. Neeni teqqanau baaxetiyo, qohiya qofaa aggada loˈˈo qofaa qoppanau mala. (Efisoona 4:23) Ane naaˈˈu leemisota beˈa:

  Qohiya qofaa: Ta aqo laggee wodiraa laammidoy ta mooruwaana.

  Loˈˈo qofaa: Ta mooroy ta aqo laggee iitabaa oottanaadan gaaso gidana danddayenna.

  Qohiya qofaa: Ta yelagatetta layttaa iita uraara coo wurssaas.

  Loˈˈo qofaa: Taani aadhidabaa gidennan sinttanaabaa qoppikko keehi ufayttana.

• Qohiya qofaa siyoppa. Ne laggetinne dabboti neeyyo loˈˈobaa qoppikkonne, ‘A kasekka neeyyo hanenna asa’ woy ‘Xoossay paraman shaahettiyoogaa ixxees’ * giyoogaa mala nena qohiyaabaa woy bessennabaa yootana danddayoosona. Geeshsha Maxaafay, “Asai haasayiyo qaalaa muliyaa ezggada polana gooppa” yaagees. (Eranchchaa 7:21) Paraman shaahettoosappe naaˈˈu laytta gidido Marttina hagaadan gaasu: “Asay giyo qohiyaabaa yereriyoogaappe issibaa Xoossay xeelliyoogaadan xeellanau malays. A qofay nu qofaappe xoqqees.”—Isiyaasa 55:8, 9.

• Xoossaakko woossa. I bau goynniyaageeti ‘hirggissiya ubbabaa a bolli olanaadan,’ ubba qassi keehi unˈˈettiyo wode hegaadan oottanaadan minttettees.—1 PHeexiroosa 5:7.

Aqo deˈuwan 11 layttaa issippe deˈida Juliyaana hagaadan gaasu: “Ta azinay aggidi beennaadan a woossaas. SHin i bi simmin, anne i ikko biido maccaasiyo keehippe ixxaas.” Paraman shaahettida daroti bantta kase aqo laggiyaa daro layttau keehi morkkoosona.  SHin etau naati deˈiyaaba gidikko, koyennaba gidikkokka darotoo haasayoosona.

AY OOTTANA DANDDAYAY?

• Ne kase aqo laggiyaara saruwan deˈa. Koshshiyaabaa xallaa haasaya, qassi yootiyoobay qanttanne qoncce gido. Hegaadan oottiyoogee sarotettan deˈanaadan maaddiyoogaa daroti akeekidosona.—Roome 12:18.

• Qohiyaabaa haasayoppa. Neeni qohettidabadan qoppiyo wode, “Amarida qaala haasayiya asi eranchcha” yaagiya, Geeshsha Maxaafan deˈiya aadhida eratetta zoree maaddees. (Leemiso 17:27) Neeni he wode loˈˈo hanotan haasayanau metootiyaaba gidikko, “Hegaa xeelliyaagan qoppada nenaara hara wode haasayana” gaana danddayaasa.

• Danddayettida keenan ne kase aqo laggiyaara bessiyaaban bessennaban gayttoppa; hegee higgiyan koyettiyaabaara, miishshaara, qassi akkamettiyoogaara gayttidaba gidana danddayees.

Maariya paraman shaahetta simmin sohuwaara hanotay waanidaakko hassayada hagaadan gaasu: “Ta kaalo naˈiyaa ubba wode yeekkausu, qassi hiixan sheˈiyoogaa doommaasu. Ta bayra naˈiyaa ba qofaa genttanau maliyaaba gidikkokka, akka kaseegaappe laamettidoogaa akeekaas.” Ne naati nena kaseegaappe aaruwan koyiyo wode, eta maaddanau wodiyaa woy wolqqaa xayidabadan qoppana danddayaasa; hegee azzanttiyaaba.

AY OOTTANA DANDDAYAY?

• Ne naati bantta qofaa neeyyo yootanaadan minttetta; eti ‘xala qaalan’ haasayiyaaba gidikkokka bantta qofaa neeyyo yootanaadan minttetta.—Iyyooba 6:2, 3.

• Oottana bessiyaabaa ootta. Nena qofan minttettiyaabaa koyiyo wode, ne naˈay woy naˈiyaa minttettanau koyiyaaba milatikkokka, issi naˈi hegaa mala metuwan maaddanaadan oychiyoogee bessiyaaba gidenna. (1 Qoronttoosa 13:11) Ne naˈau woy naˈeeyyo ne xuuraa yootoppa woykko neessinne ne kase aqo laggiyaassi gaannatanaadan woy au woy iyyo kiitaa yootanaadan oottoppa.

• Ne naatu hanotay laamettanaadan oottoppa. Keettaa laammennaagee, qassi kase oottiyoobaa ubbatoo oottiyoogee keehi maaddees; ubba Geeshsha Maxaafaa nabbabiyoogaanne so asaa goynuwaa mala ayyaanaaban ubbatoo oottiyoobaa aggennaagee keehippe koshshiyaaba.—Zaarettido Wogaa 6:6-9.

Paraman shaahettiyoogee kaalettiyoobaa genccana danddayaasa. Aqo deˈuwan 16 layttaa issippe deˈida Meliisa, “Taani paraman shaahettiyo wode, ‘Taani koyidoy hagaa mala deˈo gidenna’ gaada qoppaas” yaagaasu. I hanotay hegaa mala gidikkokka, haˈˈi woppa deˈuwaa deˈausu. A, “Kasebaa laammanau baaxetiyoogaa aggido gishshau, haˈˈi keehi ufayttays” yaagaasu.