Xoossaayyo Suntti Deˈii?

Asay darotoo zaariyo zaaruwaa:

▪ “A sunttay Godaa.”

▪ “Assi buzo suntti baawa.”

Yesuusi woygidee?

▪ “Simmi intte hagaadan yaagidi, Xoossaa woossite; ‘Saluwan de7⁠iya nu Aawau, ne geeshsha sunttai anjjetto.’” (Maatiyoosa 6:9) Xoossaayyo sunttay deˈiyoogaa Yesuusi erees.

▪ “Neeni tana siiqido siiqoi eta giddon de7ana mala, qassi taanikka eta giddon de7ana mala, taani ne sunttaa eta erissaas; sinttaukka erissana.” (Yohaannisi 17:26) Yesuusi Xoossaa sunttaa erissiis.

▪ “Intte, ‘Godaa [“Yihoowa,” NW] sunttan yiyaagee anjjettidaagaa’ gaana gakkanaashin, tana be7⁠ekketa.’” (Luqaasa 13:35; Mazamure 118:26) Yesuusi Xoossaa sunttaa goˈettiis.

XOOSSAY bari huuphe ba sunttaa nuussi yootiis. I “Taani GODAA [“Yihoowa,” NW]; hegee ta sunttaa” yaagidoogee xaafettiis. * (Isiyaasa 42:8) Xoossay baassi kessido Ibraysxxe sunttay Wolayttattuwan Yihoowa yaagiyaagaa. Ha dumma gidida Ibraysxxe sunttay Geeshsha Maxaafaa beni xuufetun shaˈan qoodettiyaagaa keenay deˈiyoogan neeni garamettennan aggakka. Geeshsha Maxaafan deˈiya hara ay sunttaappekka aaruwan he sunttay darosan deˈees.

Issoti issoti “Xoossaa sunttay oonee?” giya oyshau “Godaa” giidi zaarana danddayoosona. Gidikkonne, hegee “Doorettiday oonee?” giya oyshau “doorettanau bana shiishshidaagaa” giidi zaariyoogaappe dummatenna. “Godaa” giya qaalaynne “doorettanau bana shiishshidaagaa” giya qaalay suntta gidenna gishshau, hagee qoncce zaaro gidenna.

Xoossay ba sunttaa nuussi yootidoy aybissee? I hegaadan oottidoy nuuni a loyttidi eranaadaana. Leemisuwau, issi uri hanotaadan Daannau, Halaqau, Gaashshee, woy Abbaa geetettidi xeegettana danddayees. Ha boncho sunttati he uraabaa issibaa qonccissoosona. SHin he izaawu sunttay nuuni eriyo abaa ubbaabaa hassayissees. Hegaadan Godaa, Ubbaa Danddayiyaagaa, Aawaanne Medhidaagaa giya boncho sunttati Xoossay oottiyo dumma dummabaa nuuni hassayanaadan oottoosona. SHin Yihoowa giya a buzo sunttay nuuni eriyo abaa ubbabaa hassayanaadan oottees. A sunttaa erennan Xoossaa tumuppe waatada erana danddayay?

Keehippe koshshiyay he sunttaa eriyoogaa xalla gidennan an goˈettiyoogaa. Aybissi? Geeshsha Maxaafay: “Godaa [“Yihoowa,” NW] sunttaa xeesiya ooninne attana” yaagiyo gishshataassa.—Roome 10:13; Yuˈˈelaa 2:32.

[Tohossa qofata]

[Sinttaa 6n deʼiya misiliyaa qonccissuwaa]

Issi uri hanotaadan Daannau, Halaqau, Gaashshee, woy Abbaa geetettidi xeegettana danddayees. SHin he izaawu sunttay nuuni eriyo abaa ubbaabaa hassayissees