Ufayssiya So Asaa Deꞌuwau Koshshiya Waannabay Aybee?
Awugaa gaada qoppay?
-
Siiquwaa.
-
Miishshaa.
-
Harabaa.
GEESHSHA MAXAAFAY YOOTIYOOBAA
“Anjjettidaageeti Xoossaa qaalaa siyidi, he qaalai azaziyoogaadan oottiyaageeta.”—Luqaasa 11:28.
HEGAA AMMANIYOOGEE NEENA GOꞌꞌIYO OGIYAA
Tumuppe siiqettanaadan maaddees.—Efisoona 5:28, 29.
Issoy issuwaa wozanappe bonchanaadan maaddees.—Efisoona 5:33.
Hirggennan woppu giidi deꞌanaadan maaddees.—Marqqoosa 10:6-9.
GEESHSHA MAXAAFAY YOOTIYOOBAA AMMANANA DANDDAYIYOO?
Ee, hegau guuxxiis giishin naaꞌꞌu gaasoy deꞌees:
-
So asaa deꞌuwaa Doomissidaagee Xoossaa. Geeshsha Maxaafay ‘keetta asay ubbay sunttettidoy’ Xoossaa Yihoowana gidiyoogaa yootees. (Efisoona 3:14, 15) Hegaa giyoogee, so asaa deꞌuwaa Doomissidaagee Yihoowa giyoogaa. Hegee xoqqu ootti xeellana bessiyaaba gididoy aybissee?
Ane hagaa qoppa: Issi malꞌꞌo quma miyo wode, he qumaa aybippe kattidaakkonne an ay yeggidaakko eranau oona oychuutii? He qumaa kattida ura oychiyoogee erettidaagaa.
Hegaadankka, nuuni ufayssiya so asaa deꞌuwau koshshiyaabaa eranau, so asaa deꞌuwaa Doomissidaagaa, Yihoowa oychana bessees.—Doomettaabaa 2:18-24.
-
Xoossay neessi qoppees. Yihooway ba Qaalaa baggaara yootiyo zoriyaa so asay siyiyoogee eratetta. Aybissi? “I intteyyo qoppiyo” gishshataassa. (1 PHeexiroosa 5:6, 7) Yihooway intteyyo loꞌꞌobaa qoppees; qassi a zoree ubbatoo maaddees.—Leemiso 3:5, 6; Isiyaasa 48:17, 18.
QOPPANA KOSHSHIYAABAA
Neeni loꞌꞌo azina, macho, aawa woy aayo gidana danddayiyoy ayba ogiyaanee?
Geeshsha Maxaafan EFISOONA 5:1, 2ninne QOLASIYAASA 3:18-21n ha oyshaa zaaroy deꞌees.
Hageeta Beꞌadii?
BEEGOTTITE!
So Asaa Ufayssawu Maaddiya Aadhdhida Eratettaa
Bantta soo deˈuwan ufayssay deˈanaadan azinati, machchoti, yelidaageetinne naati ay oottana danddayiyoonaa?
GEESHSHA MAXAAFAABAA OYCHCHIYOOBATU ZAARUWAA
Aqo Deꞌuwaabaa Geeshsha Maxaafay Woygii?
Geeshsha Maxaafaa maarati metiya hanotati merettikko giigissanawu woy merettennaadan oottanawu aqota laggeta maaddana danddayoosona.
BEEGOTTITE!
Ufayttiya So Asata—Hashetiyoogaa
Ne aqo laggiyaa issi keettan nenaara coo deˈiya asadan xeellay?
NUBAA
Geeshsha Maxaafaa Xannaꞌana Koshshiyoy Aybissee?
kumetta saꞌan deꞌiya miilooniyan qoodettiya asay oychchiyo gita oyshatu zaaruwaa Geeshsha Maxaafay yootees. Neenikka etaagaadan zaaruwaa demmana koyay?
NUBAA
Geeshsha Maxaafaa Tamaaranawu Oychcha
Geeshsha Maxaafaabaa woy Yihoowa Markkatubaa loytta erana.
