Geeshsha Maxaafay yootiyoogaadan, asay ubbay nagaranchcha. Koyro bitaniyaa Addaameppe laattidobaa gaasuwan nuuni ubbay nagaraa oottoos. Hegaappe denddidaagan, issi issitoo nuuni guyyeppe zilꞌꞌettiyo iitabaa oottoos. Xoossaa naꞌay Yesuus Kiristtoosi nu gishshawu hayqqidi nu nagaraa waagaa qanxxiis. A wozuwaa yarshshoy nu nagaray atto geetettanaadan oottiis. Hegee Xoossaa imota.—Roome 3:23, 24 nabbaba.

Issi issi asay gita nagaraa oottido gishshawu Xoossay ba nagaraa atto gaanaagaa sirees. SHin Xoossaa Qaalay “Yesuus Kiristtoosa suuttai nagara ubbaappe nuna ashshees” giyoogee keehi ufayssiyaaba. (1 Yohaannisa 1:7) Nu nagaray gita gidinkka wozanappe nu nagaraappe simmikko, Yihooway nuna ufayssan maarana.—Isiyaasa 1:18 nabbaba.

Yihooway nagaraappe nuna maaranaadan koyikko, A qofaa, A zoriyaanne I nuuppe koyiyoobaa eranawu abaa tamaarana koshshees. (Yohaannisa 17:3) Bantta nagaraa gaasuwan zilꞌꞌettiyaanne hegaappe simmiyaageeta Yihooway kehatettan maarees.—Oosuwaa 3:19 nabbaba.

Xoossaa ufayssanaagee keehi deexxiyaaba gidenna. Yihooway nuuni shugo gididobaa erees. I maariyaagaanne keha. Kehanne siiqiya Xoossaa waata ufayssanaakko loytta eranawu koyikkii?—Mazamure 103:13, 14 nabbaba.