“Kumetta saꞌan koronaa harggiya yayyidi oottiyobay attidoogee koronay ubba saꞌan asaa qohiyogee attiis giyogaa gidenna. . . . Sinttappe ubbasaa gakkiya hara harggee yaanaagee aynne sirissenna, qassi nuuni hegawu giigi uttana koshshees.”—Dottoriya Teedros Adihanom Gebreyesuus, Alamiya Payyatettaa Dirijjitiya waanna gadaawaa, Uddufune 22, 2023.

 Ubbasaa gakkiya koronaa harggiya gaasuwan daro asay payyatettaaninne qofan waayettiiddi deꞌees. Kawotettatinne asaa payyatettaa naagiya dirijjiteti sinttappe yaana ubbasaa gakkiya harggiyawu giigettidonaa, qassi ha wodiyan sakkiya harggiyappe paxanaadan nuna maaddana danddayiyonaa?

 Payyatettaara gayttida, nuussi koshshiyabaa giigissana kawotettaabaa Geeshsha Maxaafay yootees. I “saluwaa Xoossai . . . kawotettaa” essanaagaa yootees. (Daaneela 2:44) He kawotettaa haaruwan, “ooninne, ‘Taani harggaisʼ yaagenna.” (Isiyaasa 33:24) Ubba asay loꞌꞌo payyatettaanne yelagatetta wolqqaa demmana.—Iyyooba 33:25.