Masaalimu 71:1-24
71 Yehova, miyo kootthyawela wa nyuwo.
Kihikhala-khale kuuliwaka muru.
2 Mukoopole ni mukaakihe, mwaha wa exariya anyu.
Mukiwiriyane* ni mukoopole.
3 Mukhale mwala kinitthyawela aka,Yoowo kinrowa aka otthyawelaka mahiku ootheene.
Murume wiira koopoliwe,Okhala wiira nyuwo mwa mwala aka ni empa aka yoolipihiwa.
4 Khoo Muluku, mukoopole mmatatani mwa atakhali,Mmatatani mwa atthu oohaaxa.
5 Khoo Pwiya Muulupalexa Yehova, miyo kinoolipelelani nyuwo;Miyo kinoororomelani nyuwo* okhuma omiravo aka.
6 Okhuma okathi kiyariwe aka, kinlipa ni nyuwo;Ti nyuwo mukikuminhe mmirimani mwa amaama.
Kinnoottottopelani voohihiyererya.
7 Atthu anceene annitikinihiwa okathi aniweha aya etthu enikiiraneela,Masi nyuwo mwa ntthyawelo naka noolipa.
8 Eyano aka ennoottottopelani vanceene,Khula nihiku, kinnaaleela atthu ovuwa wanyu.
9 Muhikikhootte kuuluvala;Muhikinyanyale okathi ikuru saka sinrowa aya okimalela.
10 Awanani aka, annikilavula voohiloka,Ale aniphavela okiiva, anivaanela hoothe,
11 Awo anihimya wiira: “Muluku oomunyanyala.
Nimutthimakele, nanvare, okhala wiira khuuvo onrowa omoopola”.
12 Khoo Muluku, muhikhale ottaiwene.
Khoo Muluku, mwaakuve murwe mukikhaliherye.
13 Awanani aka, yuuliwe muru ni apwetexiwe.Ale aniphavela wiira akikhumelele maxakha,
Yuuliwe muru ni aveeheye.
14 Masi miyo nlelo kinoolipelelaka;Kinootepaka woottottopelani.
15 Khula nihiku, eyano aka enoolavulaka exariya anyu,Ni woopola wanyu,Hata itthu iyo saattale ene, kihinawerya okontari.
16 Pwiya Muulupalexa YehovaMiyo kinrowa olavulaka miteko sanyu suulupale,Kinrowa olavulaka paahi exariya anyu.
17 Nyuwo Muluku, mookiixuttiha okhuma emiravo aka,Nave mpakha-va, nlelo kinnilaleya miteko sanyu sootikiniha.
18 Khoo Muluku, muhikinyanyale okathi kinrowa aka wuuluvala ni kinrowa aka omela ipwi.
Mukihiye kaaleele owerya wanyu, atthu a maloko anrowa okhumelela ohoolo,Ni kaaleele owerya wanyu, atthu ootheene anrowa okhumelela ohoolo.
19 Muluku, exariya anyu ti yuulupalexa;Nyuwo moopaka itthu suulupale;Ti pani onlikana ni nyuwo?
20 Nnaamwi muhiyaka wiira sikiphwanye mixankiho sinceene ni maxakha,Mukivahe-tho okumi;Mukikumihe mmaasini moowiixa.
21 Mukittikiherye nttittimiho naka,Nave mukirukurerye wiira mukaakihe ni mukilipihe.
22 Vano, kinimoottottopelani ni ikaruma sa isipo sirina mikhoyi,Mwaha wa ororomeleya wanyu, nyuwo Muluku.
Kinimwiipa isipo koottottopelakani, kimoopaka viola,Nyuwo Muluku Oowaarya a Isarayeli.
23 Eyano aka enookhuwela vootteeliwa murima, koottottopelakani ni isipo,Okhala wiira nyuwo mookoopola.
24 Khula nihiku, eyano aka enoolavulaka exariya anyu,*Ale aniphavela okiiva, anrowa wuuliwa muru ni anooveeheya.
Inoota
^ Aahiiso, “Muurame ni mukiiwe”.
^ Aahiiso, “Nroromelo naka ti nyuwo”.
^ Aahiiso, “enimuupuwelela sa”.
