Masaalimu 70:1-5
-
Ovekela okhaliheriwa moowaakuveya
-
“Mwaakuve wiira mukikhaliherye” (5)
-
Para tiretoore a isipo. Nsipo na Davidi, noowuupuxerya.
70 Khoo Muluku, mukoopole;Khoo Yehova, mwaakuve murwe mukikhaliherye.
2 Ootheene yaale aniphavela okiiva,Yuuliwe muru ni aveeheye.
Ootheene yaale anihakalala ni ohaawa waka,Atthikele ottuli yuuliwe ene muru.
3 Ootheene yaale anikitheya yiiraka: “Ekaa! Ekaa!”
Atthyawe mwaha wa wuuliwa muru.
4 Masi ootheene yaale aniwaavyani,Atthapeke ni atteeliweke murima mwaha wa nyuwo.
Ootheene yaale aniphavela vanceene woopoliwa ni nyuwo, okathi wootheene ahimyeke wiira:
“Ovuwihiwe Muluku!”
5 Masi miyo koovelavela ni koohaawa;Khoo Muluku, mwaakuve wiira mukikhaliherye.
Ti nyuwo munikikhaliherya ni munikoopola;Xontte Yehova, muhipise.
