Masaalimu 43:1-5
43 Khoo Muluku, mukiphukele,Mukaakihe mulattu kinootheriwa aka ni nloko noohiroromeleya.
Mukoopole mmatatani mwa atthu oowootha ni ootakhala.
2 Nyuwo mwa Muluku aka, mwa nipuro naka noolipihiwa.
Xeeni mukikhoottale anyu?
Xeeni kaarowa aka weetta kiriipiwe ene murima, mwaha wa awanani aka anikihaaxa?
3 Mukiruuhele waarya wanyu ni ekeekhai anyu.
Iyo sikeettiheke;Nave sikiroihe mwaako anyu woowaarya ni etapernaakulu anyu yuulupale.
4 Vano kinoophiya valtaari a Muluku,Yoowo onikitteeliha murima vanceene.
Nave kinimoottottopelani ni viola aka, khoo Muluku aka!
5 Xeeni kixankale aka?
Xeeni kivelavenle aka?
Kinoomulipelela Muluku,Okhala wiira nlelo kinoomuttottopela ntoko Moopoli aka Muulupalexa ni Muluku aka.
