Musome Maphattuwelo 25:29-34 wiira musuwele akhala wiira Esawu ni Yakobo, yaahipaka soothanla sooloka.

Mmananiheke oosuwela itthu siiraneyale. Mwa ntakiheryo, exeeni yiiraneyale wanipacerya? (Maph. 25:20-28) Exeeni yiiraneyale moottharelana? — Maph. 27:1-46.

Mwiixutteke khula etthu enihimya aya eponto eyo. Okathi ole, muteko xeeni ni ediretu aarina awe mwaana oopacerya ooyariwa? — Maph. 18:18, 19; Sentinela 10 1/5 epaax. 13.

• Niireke atthu yiitthaniwa okhala amuhavinre awe Mesiya, yaari yaale paahi oopacerya oyariwa? (Owehaweha 17.12 ipaax. 14-15)

Muupuweleleke itthu mwiixutte anyu ni moota woovarihela muteko. Xeeni Yakobo aavaha awe efaita yinceene okhala oopacerya ooyariwa onvikana Esawu? (aHeeb. 12:16, 17; Sentinela 03 15/10 ipaax. 28-29) Tuuvi waari moonelo wa Yehova voohimya sa Yakobo ni Esawu, ni mwaha wa xeeni? (Mal. 1:2, 3) Exeeni Esawu aareerela awe wuupuwelela wiira opake yoothanla mwa miruku?

• Mwiikoheke so: Vaavo kinipaka aka eprograma ya omulompa Muluku vatthokoni khula esumana, kinrowa wooniherya sai wiira omukokhorela Yehova wookhalana efaita mookumini mwaka?