Quala ze la volontà de Dio?
Dio el vol che vivemo par sempre in pace e felissità in un paradiso su la Tera.
Ma dele volte te pol domandarte: ‘Sarà che ze pròpio possìbile?’ La Bìblia la dise che el Regno de Dio farà dela Tera un paradiso. La dise anca che la volontà de Dio la è che le persone le impare sora sto Regno e el so propòsito par noantri.—Salmo 37:11, 29; Isaías 9:7.
Dio el vol el meio par noantri.
Come un bon pare che vol el meio par i so fioi, el nostro Pare nel cielo el vol che disfrutemo dela felissità eterna. (Isaías 48:17, 18) Dio el promete che la persona ‘che fà la So volontà la continua par sempre’.—1 João 2:17.
Dio el vol che ndemo nei so camini.
La Bìblia la dise che el nostro Creador el vol ‘insegnarne sora la so volontà’ par che podéssino ‘ndar nei so camini’. (Isaías 2:2, 3) Dio el ga organisà “un pòpolo par el so nome” par proclamar la so volontà in tuta la Tera.—Atos 15:14.
Dio el vol che lo adoremo de maniera unida.
Invesse de dividir le persone, la adorassion pura de Geovà la è drio unirle in vero amor. (João 13:35) Chi ancoi ze drio insegnar ale persone in tuto el mondo come servir a Dio in union? Te convidemo a catar la risposta in questo libreto.
Te piaserà de veder anca questo
CHI SEMO
Come che l’è un stùdio bìblico?
In tuto el mondo tuti i cognosse le Testimònie de Geovà par causa che lore le da a tuti la oportunità de gaver una programassion de stùdio bìblico sensa cobrar gnente. Varda come che l’è fato.
CHI SEMO
Parché studiar la Bìblia?
Milioni de persone in tuto el mondo le ga catà le risposte ale domande pi importante dela vita nela Bìblia. E ti, te piaseria catar queste risposte?
