Geovà l’è el Autor dela Bìblia. La bona notìssia de che le persone le viverà par sempre qua ntela Tera la ze ntela Bìblia. (Salmo 37:29) La Bìblia la ga 66 pìcoli libri. Dio el ga doperà intorno de 40 òmini fedeli par scriver la Bìblia. Moisè el ga scrito i primi sinque libri dela Bìblia intorno de 3.500 ani indrio. El apòstolo Gioani el ga scrito el ùltimo libro dela Bìblia intorno de 2.000 ani indrio. Ma come che i scritori i savea quel che i gavea de scriver? Dio el ga doperà una forsa poderosa, el so spìrito santo, par comunicarse con lori. (2 Samuel 23:2) Alora, el messàgio dela Bìblia l’è de Dio, nò dei òmini. — Ledi 2 Timóteo 3:16; 2 Pedro 1:20, 21.

Varda el vídeo Chi che l’è el Autor dela Bìblia?

Podemo esser sicuri che la Bìblia la ze de Dio parché la parla con tanti detali de quel che ndarà suceder ntel futuro. Quel che la parla sempre sucede. Nissuni pol far compagno. (Josué 23:14) Sol el Dio Tuto Poderoso el pol dir quel che ndarà suceder ntel futuro. — Ledi Isaías 42:9; 46:10.

Un libro che l’è de Dio el ga de esser diferente de tuti i altri, mia vera? La Bìblia la ze pròpio cossita! Fin adesso ghen’è de pi de 2 bilioni de còpie dela Bìblia in de pi de 450 léngue. Anca se la Bìblia la ze un libro antigo, la ze sempre giusta quando la parla de siensa. I òmini che i ga scrito la Bìblia i ga vivesto in periodi diferente. Ancora cossita, le cose che i ga scrito le ze de acordo sempre. *  La Bìblia anca la ne insegna cossa che l’è el amor. La ze come un spècio che riflete el so Autor, el Dio de amor. Anca la ga el poder de cambiar par meio la vita dele persone. Par tante persone, tuto questo l’è una prova che la Bìblia la ze la Parola de Dio. — Ledi 1 Tessalonicenses 2:13.

Varda el vídeo La Bìblia la è de origine divina?

La Bìblia la parla prinsipalmente dele bone notìssie che Dio el ga par noantri. Lu el vol che le persone le gàpia un futuro maraveioso. La Bìblia la conta come che Adon e Eva i ga perso la oportunità de viver par sempre nte un paradiso. Anca la dise come che la Tera la se tornarà un Paradiso ntel futuro. — Ledi Apocalipse 21:4, 5.

La Bìblia la dise tuto quel che Dio el ga fato par le persone del scomìnsio fin ancoi. Quando ledemo come che Dio el ga tratà i so servi, imparemo che tipo de persona Lu l’è. Cossita, la Bìblia la te giuta a cognosser a Dio. Te pol anca catar ntela Bìblia legi, orientassion e consili che i te giutarà a saver cossa far par esser amigo de Dio. — Ledi Salmo 19:7, 11; Tiago 2:23; 4:8.

Questo libreto ndarà giutarte a capir la Bìblia. El dopera testi bìblichi e el spiega cossa che i vol dir. Gesù el fea compagno quando el insegnea ale persone. — Ledi Lucas 24:27, 45.

Le bone notìssie de Dio le ze maraveiose! Ma arquanti no i vol saver de queste notìssie. No stà mia desanimarte. Ricòrdate che par viver par sempre te ghè de cognosser a Dio. — Ledi João 17:3.