LESSION 7
Cossa che l’è el Regno de Dio?
1. Cossa che l’è el Regno de Dio?
Parché che Gesù l’è el Rè ideal? — MARCOS 1:40-42.
El Regno de Dio l’è un governo ntel cielo. Dio ndarà doperar questo governo par far la so volontà qua ntela Tera come ntel cielo. Gavemo pròpio de bisogno de questo governo. Presto lu ndarà governar ntel posto dei governi de ancoi e el unirà le persone. Questa la ze pròpio una bona notìssia! — Ledi Daniel 2:44; Mateus 6:9, 10; 24:14.
Un regno el ga de bisogno de un rè. Geovà el ga scoliesto el so Fiol, Gesù Cristo, par esser el Rè de sto Regno. — Ledi Apocalipse 11:15.
Varda el vídeo Cossa che l’è el Regno de Dio?
2. Parché che Gesù l’è el Rè ideal?
Gesù l’è el Rè ideal parché lu l’è bon e giusto. (Mateus 11:28-30) Del cielo Gesù el governarà la Tera. Lu el gavarà el poder par giutar le persone. Quando l’è tornà al cielo, Gesù el ga spetà la ora giusta par tornarse Rè. (Hebreus 10:12, 13) Ma adesso, lu l’è drio governar ntel cielo e el ga ricevesto el poder par governar tuta la Tera. — Ledi Daniel 7:13, 14.
3. Chi che governarà con Gesù?
Dio el ga scoliesto un grupo de persone par governar con Gesù ntel cielo. La Bìblia la ciama questo grupo de “santi”. (Daniel 7:27) I primi scoliesti i ze stati i apòstoli fedeli de Gesù. Geovà el continua a scòlier òmini e done fedeli par far parte de sto grupo. Dopo che i more, lori i assa de viver ntela Tera come òmini e i ze ressussitadi par viver ntel cielo. — Ledi João 14:1-3; 1 Coríntios 15:42-44.
Quanti ndarà viver ntel cielo? Gesù li ga ciamadi de “pìcolo grupo de piégore”. (Lucas 12:32) Le ze 144 mila persone che le governarà la Tera con Gesù. — Ledi Apocalipse 14:1.
4. Cossa che ga sucedesto quando Gesù el ga scominsià a governar?
La prima assion de Gesù come Rè l’è stà trar zo Sàtana e i so demoni ala Tera. Questo el ga sucedesto in 1914. * Sàtana l’è restà pròpio cativo e l’è drio causar problemi in tuta la Tera. (Apocalipse 12:7-10, 12) De quel tempo fin ancoi, le cose le ze restade cada volta pedo. Ancoi ghen’è guere, fame, malatie e teremoti. Queste cose le mostra che l’è darente el tempo del Regno de Dio governar la Tera. — Ledi Lucas 21:7, 10, 11, 31.
5. Cossa che el Regno de Dio l’è drio far?
El Regno de Dio l’è drio giutar tante persone a imparar sora la Parola de Dio. Milioni de persone in tuto el mondo le stà dela banda de questo governo. Queste persone le ze unide e obediente al Rè Gesù. El Regno de Dio el ghe darà protession quando ndarà destruser i rugni. Tuti quei che i vol questa protession i ga de obedir a Gesù. — Ledi Apocalipse 7:9, 14, 16, 17.
Dio ndarà doperar el Regno par realisar el so propòsito original par la umanità. Dopo de mila ani, tuta la Tera la sarà un paradiso. Par fin, Gesù el darà indrio el Regno al so Pare. (1 Coríntios 15:24-26) Cognóssito qualchedun che ghe piaseria de saver queste bone notìssie? — Ledi Salmo 37:10, 11, 29.
^ paràgrafo 6 Par capir meio la professia bìblica sora el 1914, varda la Nota Final 22 ntele pàgine 217-220 del libro Cossa la Bìblia la Pol Insegnarne?.
