Yesu u a ḓivha uri zwi hani u tambula nga nṱhani ha vhugevhenga na u haṱulwa nga nḓila i songo teaho. O vhuya a pomokwa mulandu we a si u ite, a rwiwa zwi songo tea, a sengiswa nga nḓila i si yone nahone a haṱulwa nga nḓila i vhavhaho a khou haṱulelwa zwe a si zwi ite. Naho o vha e si na mulandu, o vha o ḓiimisela u ṋekedza “vhutshilo hawe sa tshirengululi a tshi itela vhanzhi.” (Mateo 20:28; Yohane 15:13) Samusi zwa zwino e Khosi ya Muvhuso Wa Mudzimu, hu si kale u ḓo fhelisa vhugevhenga lwa tshoṱhe na u ita uri ḽifhasini ḽoṱhe hu haṱulwe nga nḓila yo teaho.—Yesaya 42:3.

 Bivhili i sumbedza nḓila ine shango ḽa ḓo vha ḽi ngayo musi Yesu o no dzhia vhukando:

•   “Vhavhi a vha tsha ḓo vha hone; u ḓo sedza he vha vha vhe hone, wa wana vha si tsheeho. Fhedzi vho vuḓaho vha ḓo vha vhaṋe vha ḽifhasi, vha ḓo takadzwa vhukuma nga muḓalo wa mulalo.”—Phisalema 37:10, 11.

 Ri nga sumbedza hani uri ri a livhuwa zwoṱhe zwe Yesu a ri itela na zwine a kha ḓi ḓo ri itela zwone? Kha Luka 22:19, Yesu o vhudza vhatevheli vhawe uri vha humbule lufu lwawe. Ndi ngazwo Ṱhanzi Dza Yehova vha tshi kuvhangana nga ḓuvha ḽe a lovha ngaḽo ṅwaha muṅwe na muṅwe u itela u humbula lufu lawe. Ri khou ni ramba uri ni ḓe ni humbule na rine lufu lwa Yesu nga Swondaha, 24 March 2024.

Wanani hune Tshihumbudzo tsha ḓo farelwa hone