Kha Vhahevheru 3:1-19
3 Inwi vhahashu vhakhethwa no vhidzwaho* ṱaḓulu,+ humbulisisani nga ha tsumbo ya Yesu, ane ra tenda* uri ndi muapostola na tshifhe muhulu.+
2 O fhulufhedzea kha Mudzimu we a mu vhea,+ sa zwe Mushe a zwi ita kha vha nnḓu yoṱhe ya Mudzimu.+
3 Ngauri o* tewa nga u vha na vhugala+ vhu fhiraho ha Mushe, samusi mufhaṱi wa nnḓu a tshi rendwa u fhira yeneyo nnḓu.
4 Ndi ngoho uri nnḓu iṅwe na iṅwe i na mufhaṱi, fhedzi o fhaṱaho zwoṱhe ndi Mudzimu.
5 Mushe o vha e mulanda a fhulufhedzeaho nḓuni yoṱhe ya Mudzimu. Zwe a zwi ita zwo vha zwi tshi fanyisela* zwine zwa ḓo ambiwa nga murahu,
6 fhedzi Kristo o fhulufhedzea sa murwa+ nḓuni ya Mudzimu. Ri nnḓu ya Mudzimu,+ arali ra dzula ri tshi amba ro vhofholowa na u farelela ro khwaṱha kha fhulufhelo ḽashu ḽine ra zuwa ngaḽo u swika vhufheloni.
7 Samusi muya mukhethwa u tshi ri,+ “Ṋamusi arali na pfa ipfi ḽawe,
8 ni songo rindidza mbilu dzaṋu sa zwiḽa ni tshi mu sinyusa zwihulu, misi iḽa ni tshi lingwa sogani,+
9 he vhomakhulukuku waṋu vha nndinga hone, naho vho vhona mishumo yanga lwa miṅwaha ya 40.+
10 Ndi ngazwo ndo nengiswa nga wonoyu murafho, nda ri: ‘Vha dzula vha tshi ntshandukela mbiluni dzavho, a vha ḓivhi nḓila dzanga.’
11 Nda ana ndo sinyuwa nda ri: ‘A vha nga dzheni fhethu hanga ha vhuawelo.’”+
12 Vhahashu, ni ṱhogomele uri ni si ṱutshele Mudzimu ngauri zwi nga ita uri ni vhe na mbilu mmbi;+
13 fhedzi ni dzule ni tshi ṱuṱuwedzana ḓuvha ḽiṅwe na ḽiṅwe, musi hu tshi kha ḓi pfi ndi “Ṋamusi,”+ uri hu si vhe na ane a rindidzwa nga maanḓa a vhufhura a tshivhi.
14 Ngauri ri ḓo wana zwe Kristo a zwi wana arali ra farelela ro khwaṱha u swika vhufheloni ri na fhulufhelo ḽe ra vha ri naḽo u bva mathomoni.+
15 Samusi ho pfi, “Ṋamusi arali na pfa ipfi ḽawe, ni songo rindidza mbilu dzaṋu sa zwiḽa ni tshi mu sinyusa zwihulu.”+
16 Ndi vhonnyi vhe vha mu sinyusa zwihulu naho vho pfa ipfi ḽawe? Naa a si vhaḽa vhoṱhe vhe Mushe a vha ranga phanḓa musi vha tshi bva Egipita?+
17 Zwiṅwe hafhu, ndi vhafhio vhe vha nengisa Mudzimu lwa miṅwaha ya 40?+ Naa a si vhaḽa vho itaho zwivhi, vhe zwitumbu zwavho zwa balangana sogani?+
18 Ndi vhafhio vhe a vha anela uri a vha nga dzheni fhethu hawe ha vhuawelo? Naa a si vhaḽa vhe vha si thetshelese?
19 Ri a zwi vhona uri a vho ngo kona u dzhena ngauri vho vha vhe si na lutendo.+
Ṱhaluso dzi re magumoni a siaṱari
^ Kana “rambiwaho.”
^ Kana “amba.”
^ Ndi Yesu.
^ Kana “zwo vha zwi vhuṱanzi ha.”
