Dziphisalema 19:1-14
Kha mulangi. Luimbo lwa Davida.
19 Ḽiṱaḓulu ḽi ḓivhadza vhugala ha Mudzimu;+Lutombo lu ḓivhadza mishumo ya zwanḓa zwawe.+
2 Ḓuvha na ḓuvha hu pfala maambiwa azwo,Zwi dzumbulula nḓivho vhusiku vhuṅwe na vhuṅwe.
3 A hu na mafhungo, a hu na maipfi;Ipfi ḽazwo a ḽi pfali.
4 Fhedzi mulaedza wo pfiwa ḽifhasini ḽoṱhe,Wo pfiwa na nga vhane vha dzula magumoni a ḽifhasi.+
Ḓuvha o ḽi athela dennde ngei ṱaḓulu;
5 Ḽi tou nga mukwasha a tshi bva kamarani yawe;Ḽi takala sa munna wa maanḓa a tshi khou gidima nḓilani.
6 Ḽi takuwa ḽi tshi bva magumoni a ḽiṱaḓulu,Ḽi tshimbila ḽa mona ḽa swika kha maṅwe magumo;+A hu na tshine tshi si pfe u fhisa haḽo.
7 Mulayo wa Yehova wo luga,+ u vusulusa nungo.+
Khumbudzo dza Yehova dzi a fhulufhedzea,+ dzi ita uri a si na tshenzhelo a ṱalifhe.+
8 Zwine Yehova a amba zwo luga, zwi takadza mbilu;+Ndaela dza Yehova dzo kuna, dzi penyisa maṱo.+
9 U ofha Yehova+ ndi zwavhuḓi, ndi zwa lini na lini.
Khaṱhulo dza Yehova ndi dza ngoho, dzo luga tshoṱhe.+
10 Dzi tamisa u fhira musuku,Dzi fhira musuku vhukuma,*+Dzi ḓifha u fhira mutoli+ une wa rotha kha mazhana.
11 Mushumeli wau u ṋewa tsevho ngadzo;+Ane a dzi tevhedza u a lambedzwa zwihulu.+
12 Ndi nnyi ane a nga ṱalukanya vhukhakhi hawe?+
U songo mmbona mulandu kha zwivhi zwine ndi si zwi ḓivhe.
13 Tsireledza mushumeli wau, uri a si ite mishumo ya u ḓihudza;+U songo i tendela i tshi nndanga.+
Ndi hone ndi sa ḓo solisea,+Ndi si vhe na mulandu wa zwivhi zwihulwane.
14 Ngavhe maipfi a bvaho mulomoni wanga na zwine nda elekanya mbiluni yangaZwi tshi takadza Iwe Yehova,+ Tombo ḽanga+ na Murengululi wanga.+
Ṱhaluso dzi re magumoni a siaṱari
^ Kana “wo kunakiswaho.”
