Dziphisalema 16:1-11
Mikitami* ya Davida.
16 Iwe Mudzimu, ntsireledze, ngauri ndi khuda nga iwe.+
2 Ndo amba na Yehova nda ri: “Ndi iwe Yehova, Tshisima tsha zwivhuya zwanga.
3 Vhakhethwa vha kha ḽifhasi,Na vha vhugala, vha ita uri ndi takale vhukuma.”+
4 Vhane vha tevhela miṅwe midzimu vha khou ḓiengedzela maṱungu.+
A thi nga ḓo vhuya nda i shululela zwifhiwa zwa u nwiwa zwa malofha,A thi nga buli na madzina ayo.+
5 Yehova ndi mukovhe+ wanga na tshinwelo+ tshanga.
Iwe u linda ifa ḽanga.
6 Ndo kalelwa fhethu havhuḓi.
Ndi a fushea nga ifa ḽanga.+
7 Ndi ḓo renda Yehova, ene we a nṋea nyeletshedzo.+
Vhusiku muhumbulo wanga* u a nkhakhulula.+
8 Yehova u dzula e phanḓa hanga.+
Ndi nga si vhuye nda dzinginyea, ngauri u kha tshanḓa tshanga tsha u ḽa.+
9 Mbilu yanga i a takala, muvhili wanga woṱhe u a takala.
Ndi dzula ndo tsireledzea.
10 Ngauri u nga si nnditshe ndi Vhiḓani.*+
U nga si tende muvhuya wau a tshi vhona dindi.*+
11 Iwe u ntsumbedza nḓila ya vhutshilo.+
Ndi a takala vhukuma phanḓa hau;+Hu na dakalo ḽa lini na lini kha tshanḓa tshau tsha u ḽa.
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “nḓila ine nda ḓipfa ngayo.” Thevhedz., “tswio dzanga.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana khamusi, “a tshi sina.”
