Dziphisalema 145:1-21
Luimbo lwa thendo, phisalema ya Davida.
א [Aleph]
145 Ndi ḓo u hulisa, Iwe Mudzimu wanga ane a vha Khosi,+Ndi ḓo renda dzina ḽau lini na lini.+
ב [Beth]
2 Ndi ḓo u renda ḓuvha ḽoṱhe;+Ndi ḓo renda dzina ḽau lini na lini.+
ג [Gimel]
3 Yehova ndi muhulwane, o tewa nga u rendwa;+Vhuhulwane hawe a vhu pfesesei.+
ד [Daleth]
4 Mirafho na mirafho i ḓo renda mishumo yau;I ḓo amba nga ha mishumo yau ya maanḓa.+
ה [He]
5 Ndi ḓo amba nga ha lunako lwau luhulu+Ndi ḓo elekanya nga ha mishumo yau i mangadzaho.
ו [Waw]
6 Vha ḓo amba nga ha mishumo yau i mangadzaho,*Ndi ḓo ḓivhadza vhuhulu hau.
ז [Zayin]
7 Vha ḓo takala vhukuma musi vha tshi humbula vhuḓi hau vhuhulu,+Vha ḓo pembela nga nṱhani ha u luga hau.+
ח [Heth]
8 Yehova u a pfela vhuṱungu* na u khathutshela,+Ha ṱavhanyi u sinyuwa, lufuno lwawe lu sa shanduki ndi luhulu.+
ט [Teth]
9 Yehova ndi wavhuḓi kha vhoṱhe,+U khathutshela hawe hu vhonala kha mishumo yawe yoṱhe.
י [Yod]
10 Iwe Yehova, mishumo yau yoṱhe i ḓo u hulisa,+Vha fhulufhedzeaho vha ḓo u renda.+
כ [Kaph]
11 Vha ḓo ḓivhadza vhugala ha vhuhosi hau+Vha amba nga ha maanḓa au,+
ל [Lamed]
12 U itela u ḓivhadza vhathu mishumo yau ya maanḓa+Na lunako luhulu lwa vhuhosi hau.+
מ [Mem]
13 Vhuhosi hau ndi ha lini na lini,Vhuvhusi hau ndi ha lini na lini kha mirafho yoṱhe.+
ס [Samekh]
14 Yehova u tika vhoṱhe vhane vha khou wa+U vusa vhoṱhe vho tsikeledzwaho.+
ע [Ayin]
15 Maṱo a zwoṱhe a fhulufhela iwe;U zwi ṋea zwiḽiwa zwazwo nga tshifhinga tshazwo.+
פ [Pe]
16 U putulula tshanḓa tshauWa fusha lutamo lwa tshiṅwe na tshiṅwe tshi tshilaho.+
צ [Tsade]
17 Yehova o luga nḓilani dzawe dzoṱhe+U a fhulufhedzea kha zwoṱhe zwine a zwi ita.+
ק [Qoph]
18 Yehova u tsini na vhoṱhe vhane vha mu vhidzelela,+Vhoṱhe vhane vha mu vhidza nga ngoho.*+
ר [Resh]
19 U fusha lutamo lwa vhane vha mu ofha;+U pfa tshililo tshavho tsha u ṱoḓa thuso, a vha tshidza.+
ש [Shin]
20 Yehova u linda vhoṱhe vhane vha mu funa,+Fhedzi vhavhi vhoṱhe u ḓo vha fhelisa.+
ת [Taw]
21 Mulomo wanga u ḓo renda Yehova;+Ngavhe zwoṱhe zwi tshilaho zwi tshi renda dzina ḽawe ḽikhethwa lini na lini.+
Ṱhaluso dzi re magumoni a siaṱari
^ Kana “ya maanḓa.”
^ Kana “u na vhuthu.”
^ Kana “zwi tshi bva mbiluni.”
