Dziphisalema 109:1-31
Kha mulangi. Luimbo lwa Davida.
109 Iwe Mudzimu ane nda mu renda,+ u songo fhumula.
2 Ngauri vhavhi na vha vhufhura vha amba luvhi nga ha nṋe.
Vha a nzwifhela;+
3 Vha ntanga musi vha tshi amba maipfi a ṱhavhaho,Vha mvutshela hu si na tshiitisi.+
4 Vha lwa na nṋe ngeno ndo vha funa;+Fhedzi nṋe ndi bvela phanḓa ndi tshi rabela.
5 Vha nndifhedza zwivhuya nga zwivhi+Lufuno lwanga vho lu lifhedza nga vengo.+
6 Vhea munna muvhi uri a mu haṱule;Ngavhe muhanedzi* a tshi ima kha tshanḓa tshawe tsha u ḽa.
7 Musi a tshi haṱulwa, ngavhe a tshi vhonwa mulandu;*Ngavhe na thabelo yawe i tshi dzhiiwa sa tshivhi.+
8 Maḓuvha awe nga a vhe maṱuku;+Mushumo wawe wa u vha mulavhelesi nga u dzhiiwe nga muṅwe.+
9 Vhana* vhawe nga vha sale vhe si na khotsi,Mufumakadzi wawe a vhe tshilikadzi.
10 Ngavhe vhana vhawe vha tshi mona-mona vha tshi khou humbela,Vha tshi ṱoḓa zwiḽiwa mashubini avho.
11 Ngavhe muhadzimisi wawe a tshi dzhia zwoṱhe zwine a vha nazwo,Ngavhe mutsinda a tshi dzhia thundu yawe.
12 Ngavhe hu sa vhi na muthu ane a mu sumbedza vhuthu,*Ngavhe hu sa vhi na muthu ane a khathutshela zwisiwana zwawe.
13 Vhaḓuhulu vhawe nga vha fheliswe;+Ngavhe madzina avho a tshi phumulwa kha murafho.
14 Yehova nga a humbule vhukhakhi ha vhomakhulukuku wawe,+Ngavhe tshivhi tsha mme awe tshi sa phumulwi.
15 Ngavhe Yehova a tshi humbula zwe vha ita misi yoṱhe;Ngavhe a tshi ita uri vha si tsha humbulwa kha ḽifhasi.+
16 Ngauri ho ngo humbula u sumbedza vhuthu,*+Fhedzi o bvela phanḓa a tshi tovhola vho tsikeledzeaho,+ vhashai na vho ṱungufhalahoUri a vha vhulaye.+
17 O vha a tshi funa u semana, ndi ngazwo zwo mu wela;O vha a si na lutamo lwa u fhaṱutshedza, nga zwenezwo na ene ho ngo fhaṱutshedzwa.
18 O vha a tshi ambara maṱamba vhunga tshiambaro.
A shelwa ngao kha muvhili wawe sa maḓi,Na kha marambo awe sa mapfura.
19 Ngavhe maṱamba awe a tshi fana na tshiambaro tshine a tshi ambara+Na bannda ḽine a dzulela u ḽi vhofha.
20 Ndi zwine Yehova a ḓo zwi ita kha ane a lwa na nṋe+Na kha vhane vha amba zwithu zwivhi nga ha nṋe.
21 Fhedzi iwe Yehova Murena Muvhusahoṱhe,Nndamulele u tshi itela dzina ḽau.+
Ntshidze, ngauri lufuno lwau lu sa shanduki ndi lwavhuḓi.+
22 Ngauri a thi na nungo, ndi mushai,+Mbilu yanga yo vhaisala.+
23 Ndi khou fhira sa murunzi une wa ngala-ngala;Ndo fhufhurwa sa nzie.
24 Magona anga a tetemela nga nṱhani ha u ḓidzima;Ndo onda, ndi khou fhelela.*
25 Khavho ndo no tou vha wa u goḓiwa.+
Musi vha tshi mmbona vha dzungudza ṱhoho dzavho.+
26 Iwe Yehova Mudzimu wanga, nthuse;Ntshidze nga lufuno lwau lu sa shanduki.
27 Ngavhe vha tshi ḓivha uri zwenezwi zwo itwa nga tshanḓa tshau;Uri ndi Iwe Yehova wo zwi itaho.
28 Vha litshe vha ntseme, fhedzi iwe u fhaṱutshedze.
Musi vha tshi mvutshela, ngavhe vha tshi shoniswa,Fhedzi mushumeli wau a takale.
29 Vhane vha nkhanedza kha vha ambare ṱhoni;Ngavhe vha tshi ambara ṱhoni sa tshiambaro.*+
30 Mulomo wanga u ḓo fhisetshela u renda Yehova;Ndi ḓo mu renda phanḓa ha vhathu vhanzhi.+
31 Ngauri u ḓo ima kha tshanḓa tsha u ḽa tsha mushaiUri a mu tshidze kha vhane vha mu haṱula.
Ṱhaluso dzi re magumoni a siaṱari
^ Kana “mupomoki.”
^ Kana “e muvhi.”
^ Thevhedz., “Vharwa.”
^ Kana “lufuno lu sa shanduki.”
^ Kana “lufuno lu sa shanduki.”
^ Thevhedz., “Ṋama yanga yo onda, a i na mapfura.”
^ Kana “tshiambaro tshi si na zwanḓa.”
