Zabur 22:1-31
Ijrochilar rahbari uchun ko‘rsatma. «Tonggi kiyik»*. Dovud sanosi.
22 Ey Xudoyim, mening Allohim, nima uchun meni tark etding?+
Nima sababdan meni xalos etish uchun kelmayapsan?Nega azob chekkanimdan qilgan faryodlarimni eshitmayapsan?+
2 Ey Tangrim, tun-u kun Seni chaqiraman,Ammo Sen javob bermaysan+.
3 Sen muqaddassan+,Isroil Senga hamd-u sano yog‘diradi.
4 Ota-bobolarimiz Senga tayanardi+,Ular Senga ishonardi, Sen ularni qutqarar eding+.
5 Ular Senga yolvorardi va omon qolardi,Ular Senga tayanardi va umidlari puchga chiqmas edi+.
6 Men bo‘lsam inson emas, bor-yo‘g‘i bir qurtman,Xalq ustimdan kulib, mendan jirkandi+.
7 Meni ko‘rganlarning bari masxara qiladi+.Ular istehzoli iljaygancha, boshlarini chayqab+:
8 «U Yahovaga tayangan ekan, qani, uni qutqarsin!
Unga shunchalik aziz ekan, qani, U najot bersin!»+ — deydi.
9 Meni onam qornidan olib chiqqan+,Onam ko‘ksida menga xavfsizlik ato qilgan Sensan.
10 Tug‘ilganimdan buyon Sening qaramog‘ingdaman,Onam qornida bo‘lganimdan boshlab, Sen mening Xudoyimsan.
11 Mendan yiroqda turma, chunki kulfat yaqinlashib kelmoqda+,Zero, Sendan bo‘lak yordamchim yo‘q+.
12 Ko‘plab yosh buqalar qurshovida qoldim+,Bashanning kuchli buqalari meni o‘rab olgan+.
13 O‘ljasini tilka-pora qilish uchun bo‘kirayotgan sherday+,Ular menga qarshi og‘izlarini katta ochadi+.
14 Men xuddi suv kabi to‘kildim,Suyaklarim birikkan joylaridan chiqib ketdi.
Qalbim mumga o‘xshab qoldi+,Ichimda erib ketdi+.
15 Kuchim tugadi, sopol idish parchasiday bo‘lib qoldim+,Tilim tanglayimga yopishib qoldi+,Sen meni o‘lim tuprog‘iga topshirmoqchisan+.
16 Dushmanlarim itlar kabi meni o‘rab oldi+,Ular jinoyatchilar to‘dasiday menga yaqinlashmoqda+,Sher kabi qo‘l-oyoqlarimga tashlanmoqda+.
17 Suyaklarim ko‘rinib qoldi+,
Dushmanlarim ko‘zini uzmay menga qarab turibdi.
18 Ular kiyimlarimni o‘zaro bo‘lishib olib,Libosim uchun qur’a tashladi+.
19 Ammo Sen, ey Yahova, mendan uzoqda turma+.
Sen kuch-qudratimsan, menga yordam berishga shoshil+.
20 Jonimni qilichdan qutqar,Bebaho hayotimni itlar changalidan xalos et+.
21 Meni sherning og‘zidan+, yovvoyi buqalarning shoxlaridan asra,Javob ber, meni omon saqla.
22 Ismingni birodarlarimga e’lon qilaman+,Jamoat ichra Senga hamd-u sano aytaman+.
23 Ey, Yahovadan qo‘rqadiganlar, Uni sharaflang!
Ey, Yoqubning zurriyoti*, Uni ulug‘lang!+
Ey, Isroilning zurriyoti, Unga izzat-ikrom ko‘rsating!
24 Chunki U mazlumdan jirkanmadi, qayg‘usiga e’tiborsiz bo‘lmadi+,Yuzini undan yashirmadi+.
Undan yordam so‘rab yolvorganida, U eshitdi+.
25 Katta jamoat ichra Senga hamd-u sano aytaman+,Sendan qo‘rqadiganlar orasida va’dalarimning ustidan chiqaman.
26 Kamtar* kishi yeydi va to‘yadi+,Yahovani izlaydiganlar Unga madh aytadi+.
Ular hayotdan toabad mamnun bo‘lib yashasin.
27 Butun yer yuzi Yahovani yodga olib, Unga yuz buradi.
Jamiki xalqlar Unga sajda qiladi+.
28 Zero, Yahova — Shohdir+,U xalqlar ustidan hukmronlik qiladi.
29 Yer yuzidagi barcha badavlat kishilar yeb-ichib, Unga sajda qiladi,Tuproqga qaytadiganlarning bari Uning oldida tiz cho‘kadi,Ularning hech biri o‘z hayotini* saqlab qola olmaydi.
30 Ularning nasli Unga xizmat qiladi,Kelgusi avlodga Yahova haqida aytib beradi.
31 Ular kelib Uning odilligi to‘g‘risida,
Tug‘ilajak xalqga Uning ishlari haqida so‘zlab beradi.
Izohlar
^ Ehtimol, kuyni yoki musiqiy uslubni bildiradi.
^ So‘zma-so‘z «urug‘i».
^ Yoki «Muloyim, beozor».
^ Yoki «jonini».
