Ishayo 42:1-25
42 Ana, Men qo‘llab-quvvatlaydigan xizmatkorim!+
Men uni tanladim+, undan mamnunman!+
O‘z ruhimni unga yog‘diraman+,U xalqlarga adolat keltiradi+.
2 U baqirmaydi, qattiq gapirmaydi,Ko‘chada ovozi eshitilmaydi+.
3 U bukik qamishni sindirmaydi,Lipillayotgan pilikni ham o‘chirmaydi+,
U sadoqat ila adolat keltiradi+.
4 U yer yuzida adolat o‘rnatishda bo‘shashmaydi+, holdan ham toymaydi.Orollar uning qonunini kutmoqda.
5 Yer yuzida yurganlarga hayot* ato etgan+,Samolarni yaratib, ularni yoyib yuborgan+,Yerni va undagi ne’matlarni yozgan+,Odamzodga nafas bergan Buyuk Zot+,Haq Tangri Yahova shunday demoqda:
6 «Men, Yahova, odilligim haqqi seni chaqirdim,Qo‘lingdan mahkam ushladim.
Seni himoyalayman, seni xalqlar uchun ahd+,Millatlar uchun yorug‘lik qilib beraman+.
7 Sen ko‘rlarning ko‘zini ochasan+,Tutqunlarni bandilikdan ozod etasan,
Zulmatda o‘tirganlarni zindondan olib chiqasan+.
8 Men Yahovaman. Bu — Mening ismim.O‘z ulug‘vorligimni hech kimsa bilan,Menga atalgan madhlarni o‘yma butlar bilan bo‘lishmayman+.
9 Mana, avval aytilganlar amalga oshdi,Endi esa yangilarini e’lon qilyapman.
Ular bajo bo‘lmay turib sizlarga oshkor etyapman»+.
10 Ey, dengizchilar-u savdogarlar,Ey, orollar-u unda yashovchilar+,Yahovaga yangi qo‘shiq kuylang+,Yerning chetlariga qadar Uni tarannum eting+.
11 Sahro va undagi shaharlar+,Kedar+ makon qilgan ovullar hayqirsin.
Qoyali joylarda yashovchilar quvonchdan xitob qilsin.Ular tog‘ cho‘qqilaridan qichqirsin.
12 Yahovaning ulug‘vorligini ta’riflasin,Orollarda Uni maqtasin+.
13 Yahova bahodirday otlanadi+,
Askar+ kabi g‘ayratini uyg‘otadi.
U hayqiradi, ha, jangovar ovozda baqiradi,Dushmanlaridan kuchliroq ekanini namoyon etadi+.
14 «Men uzoq vaqt jim turdim.
Sukut saqlab, O‘zimni tutdim.
Endi esa to‘lg‘oq tutgan ayolday ingrayman,Nafasim qisilib hansirayman.
15 Tog‘-u tepaliklarni yakson qilib,Undagi o‘t-o‘lanni quritaman.
Daryolarni orollarga aylantiraman.Qamishli ko‘llarni esa qaqshataman+.
16 Ko‘rlarni ular bilmaydigan yo‘ldan yetaklayman+,Notanish so‘qmoqlardan olib yuraman+.
Ular oldidagi zulmatni yorug‘likka aylantiraman+,O‘nqir-cho‘nqir joylarni tekislayman+.
Men buni ular uchun qilaman, ularni aslo tark etmayman».
17 O‘yma butlarga tayanadiganlar,Quyma butlarga*: «Sizlar xudolarimizsiz»,— deydiganlarOrtga chekinib, sharmanda-yu sharmisor bo‘ladi+.
18 Ey karlar, quloq solinglar!Ey ko‘rlar, tikilib qaranglar!+
19 Mening xizmatkorimday ko‘r,Yuborgan xabarchimday kar bormi?
Mukofotini olgan kishiday ko‘r,Yahovaning xizmatkoriday ko‘r bormi?+
20 Ko‘zing ko‘p narsani ko‘radi-yu, e’tibor bermaysan.
Qulog‘ing eshitadi-yu, tinglamaysan+.
21 Yahova O‘z adolati haqqiQonunni yuksaltirish, ko‘klarga ko‘tarishdan zavq oladi.
22 Ammo bu xalq talon-toroj qilinib talandi+,Chuqurlikka tashlandi, zindonband etildi+.
Ular tunab ketildi, lekin hech kim ularni qutqarmadi+,Talon-toroj etilganda, hech kim: «Ularni qaytarib ber!» — demadi.
23 Orangizda buni eshitadigan kim bor?
Kim e’tibor qaratib, kelajak uchun saboq oladi?
24 Yoqubni talon-toroj qildirgan,Isroilni bosqinchilar qo‘liga bergan kim?
Yahova emasmi?! Chunki ular Unga qarshi gunoh qildi.
Uning yo‘llaridan yurishdan bosh tortib,Qonunlariga bo‘ysunmadi+.
25 Shu bois, Alloh ularga qahrini sochdi,G‘azablanib jang olovini ular ustiga to‘kdi+.
Olov atrofdagi bor narsani yutib yuborsa-da, ular parvo qilmadi+.
Jang olovi ularga qarshi lovullasa-da, yuragiga yaqin olmadi+.
