Ibroniylarga 2:1-18
2 Demak, imondan uzoqlashib ketmaslik uchun+, eshitganlarimizga ayniqsa diqqatli bo‘lishimiz darkor+.
2 Agar farishtalar orqali aytilgan kalom*+ o‘zgarmas bo‘lib, har qanday qilmish va itoatsizlik uchun adolatli jazo belgilangan bo‘lsa+,
3 unda shu qadar ulug‘ najotni rad etsak, qanday qilib jazodan qutula olamiz?+ Axir boshidan Hazratimiz orqali bu najot haqida aytilgan bo‘lib+, uning so‘zlarini eshitganlar tomonidan biz uchun tasdiqlangan.
4 Shuningdek, Alloh ham alomatlar, mo‘jizalar, qudratli ishlar qilish+ va muqaddas ruhni O‘z irodasiga ko‘ra xizmatchilariga yog‘dirish bilan shohidlik bergan+.
5 Zero biz aytayotgan bo‘lajak yer yuzini+ Xudo farishtalarga tobe qilmagan.
6 Aksincha, bir kishi quyidagicha shohidlik bergan: «Inson nedirki, uni yodga olasan? Inson o‘g‘li nedirki, unga g‘amxo‘rlik qilasan?+
7 Sen uni farishtalardan bir oz past qilib, shon-sharaf va ulug‘vorlikni unga toj qilib kiygizding. Qo‘llaring mahsuli ustidan hokimlikni unga berding.
8 Borliqni unga tobe qilib oyog‘i ostiga qo‘yding»+. Tangri barcha narsani unga tobe qildi+, unga tobe qilmagan hech narsa qolmadi+. Ammo unga hamma narsa tobe qilinganini biz hozircha ko‘rmayapmiz+.
9 Biroq farishtalardan bir oz past qo‘yilgan Iso+ o‘limga duchor bo‘lgani uchun, unga shon-sharaf va ulug‘vorlik toji kiydirilganini ko‘ryapmiz+. Allohning inoyati har bir insonga ko‘rsatilsin deya, u o‘limga ro‘baro‘ bo‘lgan+.
10 Hamma narsa Xudoning ulug‘vorligi uchundir va U orqali vujudga kelgan. U ko‘p o‘g‘illarni ulug‘vorlikka ega qilib+, ularning najoti Rahbarini+ azoblar orqali mukammallikka erishtirishni+ ma’qul ko‘rdi.
11 Muqaddas qilgan ham, muqaddas etilganlar+ ham bir Otadandir+. Shunday ekan, muqaddas qilgan kimsa ularni «birodarlarim»+, deb atashdan uyalmaydi.
12 U: «Ismingni birodarlarimga e’lon qilaman, jamoat ichra Senga hamd-u sano aytaman»+,— demoqda.
13 Bundan tashqari: «Unga tayanaman»+,— deb aytyapti. Shuningdek: «Mana, men va Yahova* menga ato etgan bolalarim»+,— deb qo‘shib qo‘yyapti.
14 «Bolalar» qon va tanadan iborat bo‘lgani uchun, u ham qon va tanadan iborat inson bo‘lib kelgan+. U o‘limga duchor qiladiganni+, ya’ni Iblisni+ yo‘q qilish
15 hamda o‘limdan qo‘rqib, bir umr qullikda bo‘lganlarni ozod etish maqsadida kelgan+.
16 Axir u farishtalarga emas, Ibrohim payg‘ambarning zurriyotiga*+ yordam bermoqda.
17 Ana shu bois, u har tomonlama «birodarlariga» o‘xshab qolishi kerak edi+. Shundagina u xalqning gunohlari uchun+ yarashtiruvchi qurbonlik*+ keltira oladigan rahmdil va ishonchli oliy ruhoniy bo‘la olardi.
18 U sinovni boshdan kechirayotib azob chekkani uchun+, sinovga duch kelayotganlarga ham yordam berishga qodir+.
Izohlar
^ Ya’ni Musoning Tavrot kitobi.
^ So‘zma-so‘z «urug‘iga».
^ Yoki «gunohlarni qoplaydigan qurbonlik».
