Миллионлаб одамлар ўлгандан кейин осмонга боришга умид қилишади. Тўғри, Ҳазрати Исо осмонда содиқ шогирдлари яшайди, деб айтган. Ўлимидан сал олдин у шогирдлари учун самовий Отасининг уйида жой тайёрлашни ваъда қилган эди (Юҳанно 14:2- оятни ўқинг).

Нимага одамлар осмондаги ҳаёт учун тирилади? Қизиқ, улар у ерда нима қилишади? Исо пайғамбарнинг сўзларига кўра, унинг шогирдлари ер юзи устидан шоҳлик қилишади (Луқо 22:28–30; Ваҳий 5:10- оятларни ўқинг).

Одатда айрим кишилар давлатни бошқаради. Шунга мувофиқ, осмондаги ҳаёт учун ҳам муайян кишилар танланади, чунки Ҳазрати Исо уларни ер юзи устидан бошқариш мақсадида тирилтиради (Луқо 12:32). Исо алайҳиссалом билан шоҳлик қиладиган кишиларнинг сони Муқаддас Китобда аниқ айтилган (Ваҳий 14:1- оятни ўқинг).

Лекин фақатгина осмонга борадиганлар мукофот олишади, деб айтиш нотўғри бўларди. Ҳазрати Исо Шоҳлигининг тарафдорлари ҳам ер юзидаги жаннатда қут-баракаларга эга бўлишади (Юҳанно 3:16). Кимдир ҳозирги ёвуз дунёнинг йўқ қилинишини кўриб, жаннатга киради, кимдир эса у ерда тирилади (Забур 36:29; Юҳанно 5:28, 29- оятларни ўқинг).