مُردوں کی بابت خدائی نظریہ

عزیز کی موت واقعی بہت دُکھ پہنچاتی ہے۔‏ مایوسی،‏ تنہائی اور محرومیت کا احساس بہت زیادہ ہوتا ہے۔‏ کسی عزیز کی موت بےبسی کا احساس بھی دلاتی ہے کیونکہ دولت،‏ طاقت اور اقتدار کے باوجود کوئی بھی کسی مُردے کو زندہ نہیں کر سکتا۔‏

تاہم،‏ ہمارے خالق کی نظر میں یہ معاملہ بالکل فرق ہے۔‏ پہلے انسان کو خاک سے بنانے کی وجہ سے وہ مرے ہوئے شخص کو دوبارہ خلق کرنے کے قابل ہے۔‏ اسلئے خدا کی نظر میں مُردے بھی گویا زندہ ہی ہیں۔‏ زمانۂ‌قدیم کے مرے ہوئے وفادار خادموں کی بابت یسوع نے کہا:‏ ”‏[‏خدا]‏ کے نزدیک سب زندہ ہیں۔‏“‏—‏لوقا ۲۰:‏۳۸‏۔‏

زمین پر یسوع کو مُردے زندہ کرنے کی طاقت دی گئی تھی۔‏ (‏یوحنا ۵:‏۲۱‏)‏ لہٰذا،‏ یسوع مرے ہوئے وفادار خادموں کی بابت اپنے باپ جیسا نظریہ رکھتا ہے۔‏ مثال کے طور پر،‏ اپنے دوست لعزر کی موت پر یسوع نے اپنے شاگردوں سے کہا:‏ ”‏مَیں اُسے جگانے جاتا ہوں۔‏“‏ (‏یوحنا ۱۱:‏۱۱‏)‏ انسانی نقطۂ‌نظر سے،‏ لعزر مر چکا تھا لیکن یہوواہ اور یسوع کی نظر میں لعزر سو رہا تھا۔‏

یسوع کی بادشاہتی حکمرانی میں ”‏راستبازوں اور ناراستوں دونوں کی قیامت ہوگی۔‏“‏ (‏اعمال ۲۴:‏۱۵‏)‏ وقت آنے پر،‏ قیامت‌یافتہ لوگ الہٰی تعلیم حاصل کرینگے اور زمین پر ہمیشہ کی زندگی کا امکان حاصل کرینگے۔‏—‏یوحنا ۵:‏۲۸،‏ ۲۹‏۔‏

واقعی،‏ کسی عزیز کی موت بہت زیادہ دُکھ اور غم کا باعث بن سکتی ہے جو کئی سالوں تک قائم رہ سکتا ہے۔‏ تاہم،‏ مُردوں کو خدائی نقطۂ‌نظر سے دیکھنا ہمیں بڑی تسلی اور اُمید بخشتا ہے۔‏—‏۲-‏کرنتھیوں ۱:‏۳،‏ ۴‏۔‏