کیا غربت کبھی ختم ہوگی؟
کیا غربت کبھی ختم ہوگی؟
قدیم اسرائیل کے دانشمند بادشاہ سلیمان نے کہا: ”تب مَیں نے . . . مظلوموں کے آنسوؤں کو دیکھا اور اُنکو تسلی دینے والا کوئی نہ تھا اور اُن پر ظلم کرنے والے زبردست تھے پر اُنکو تسلی دینے والا کوئی نہ تھا۔“ (واعظ ۴:۱) بِلاشُبہ، سلیمان نے جن لوگوں کا ذکر کِیا وہ مظلوم ہونے کیساتھ ساتھ غریب بھی تھے۔
ایک شخص کی غربت کا اندازہ محض پیسوں سے نہیں لگایا جا سکتا۔ جون ۲۰۰۲ میں، ورلڈ بینک کی طرف سے فراہم کی جانے والی معلومات کے مطابق ”۱۹۹۸ کے دوران پوری دُنیا میں تقریباً ایک ارب ۲۰ کڑور لوگوں کے پاس ضروریاتِزندگی کیلئے ایک دن میں ایک ڈالر سے بھی کم رقم تھی۔ دو ارب ۸۰ کڑور لوگوں کے پاس صرف دو ڈالر سے بھی کم رقم تھی۔“ اگرچہ یہ اعدادوشمار گزشتہ سالوں کے مقابلے میں کچھ کم ہیں توبھی ”اِن غریب لوگوں کی تکلیف کے حوالے سے ابھی بھی بہت غربت ہے۔“
کیا غربت کبھی ختم ہوگی؟ یسوع نے اپنے شاگردوں سے کہا: ”غریب غربا تو ہمیشہ تمہارے پاس ہیں۔“ (یوحنا ۱۲:۸) لیکن کیا اِسکا یہ مطلب ہے کہ غربت اور اس سے پیدا ہونے والے دُکھ کبھی ختم نہیں ہونگے؟ ہرگز نہیں۔ یسوع نے یہ وعدہ نہیں کِیا تھا کہ اُسکے تمام پیروکار امیر ہو جائینگے لیکن اسکا یہ بھی مطلب نہیں تھا کہ غریب لوگوں کے پاس کوئی اُمید نہ ہوگی۔
غربت کو مٹانے کی تمام انسانی کوششوں کے ناکام ہو جانے کے باوجود خدا کا کلام بائبل ہمیں یقیندہانی کراتا ہے کہ جلد ہی غربت کا خاتمہ ہو جائیگا۔ درحقیقت یسوع نے ”غریبوں کو خوشخبری“ سنائی۔ (لوقا ۴:۱۸) اِس خوشخبری میں یہ وعدہ شامل ہے کہ غربت کا خاتمہ کر دیا جائیگا۔ یہ اُس وقت ہوگا جب خدا کی بادشاہت اِس زمین پر قائم ہوگی۔
جب آسمانی بادشاہ یسوع مسیح ”غریب اور محتاج پر ترس کھائیگا۔ اور محتاجوں کی جان کو بچائیگا،“ تو دُنیا کتنی بدل جائیگی! ”وہ فدیہ دیکر اُنکی جان کو ظلم اور جبر سے چھڑائیگا۔“—زبور ۷۲:۱۳، ۱۴۔
اِس وقت کی بابت میکاہ ۴:۴ کہتی ہے: ”تب ہر ایک آدمی اپنی تاک اور اپنے انجیر کے درخت کے نیچے بیٹھیگا اور اُنکو کوئی نہ ڈرائیگا کیونکہ ربُالافواج نے اپنے مُنہ سے یہ فرمایا ہے۔“ خدا کی بادشاہت اُن تمام مشکلات کو حل کر دیگی جو انسانوں کو پریشان کرتی ہیں، حتیٰکہ بیماری اور موت کو بھی ختم کر دیا جائیگا۔ خدا ”موت کو ہمیشہ کیلئے نابود کریگا اور [یہوواہ] خدا سب کے چہروں سے آنسو پونچھ ڈالیگا۔“—یسعیاہ ۲۵:۸۔
ہمیں بائبل کی پیشینگوئیوں کے پورا ہونے کے بہت سے ثبوت ملتے ہیں اِسلئے آپ خدا کے اِن وعدوں پر بھروسا کر سکتے ہیں۔ کیا آپ اِن ثبوتوں کے بارے میں جاننا چاہتے ہیں؟