اپریل ۲۰۱۰ء میں تیل کے کنویں میں دھماکہ ہوا اور اِس کی وجہ سے تقریباً تین مہینے تک بہت سا تیل اور گیس سمندر میں پھیلتی رہی۔‏ تحقیق‌دانوں کی ایک ٹیم نے دیکھا کہ اِس کے ڈھائی مہینے بعد سمندر سے کچھ تیل اور گیس ختم ہو گئی۔‏ اُن کے خیال میں اِن کیمیکلز کو میتھین کھانے والے بیکٹیریا کھا گئے تھے۔‏ لیکن کچھ ماہرین کو اِس بات پر شک ہے۔‏ اُن کے خیال میں زیادہ‌تر تیل سمندر کی تہہ میں چلا گیا تھا۔‏

ایک جائزے کے مطابق ۱۸ سے ۳۵ سال کے روسیوں میں سے ۵۹ فیصد کا ماننا ہے کہ ”‏کامیابی حاصل کرنے کے لئے کبھی‌کبھار آپ کو اپنے اخلاقی اصولوں اور معیاروں کے خلاف جانا پڑتا ہے۔‏“‏—‏روس کا اخبار روسسکایا گازیٹا۔‏

پیرو میں بھٹے کے کچھ قدیم‌ترین تکے ملے ہیں (‏جیسا کہ تصویر میں نظر آ رہا ہے)‏ جن کو دیکھ کر لگتا ہے کہ تقریباً ۳۰۰۰ سال پہلے بھی شمالی پیرو میں لوگ پوپ‌کارن کھاتے اور مکئی کا آٹا استعمال کرتے تھے۔‏

آدریا روویگو کے علاقے کے کیتھولک بشپ کا کہنا ہے کہ بہتر ہوگا اگر ”‏ہر شخص کے گھر جا کر“‏ اُسے مذہب کی تعلیم دی جائے۔‏ وہ کہتے ہیں کہ ”‏پادریوں کو چرچ کی گھنٹی بجانے کی بجائے لوگوں کے دروازوں کی گھنٹیاں بجانی چاہئیں۔‏“‏

دوائیاں بنانے کے لئے گینڈے کے سینگ کو غیرقانونی طور پر بیچا جاتا ہے اور فی کلو کے پیچھے ۶۵ ہزار امریکی ڈالر (‏تقریباً ۶۰ لاکھ ۶۰ ہزار روپے)‏ وصول کئے جاتے ہیں۔‏ سن ۲۰۱۱ء میں صرف جنوبی افریقہ میں ہی ۴۴۸ گینڈوں کو مار ڈالا گیا۔‏ یہاں ایک سال میں اِتنے زیادہ گینڈے پہلے کبھی نہیں مارے گئے تھے۔‏ کچھ لُٹیروں نے یورپ کے عجائب گھروں اور نیلام گھروں سے گینڈے کے سینگ چوری کرنے کے لئے ڈاکے ڈالے ہیں۔‏ خیال کِیا جاتا ہے کہ یورپ کے چڑیا گھروں میں بھی گینڈے محفوظ نہیں ہیں۔‏