OSAPI YO KOÑOÑO: O PONDOLA HẼ OKU KOLELA KETAVO?

Momo Lie o Pulila Ovina Viatiamẽla Ketavo?

Sokolola ndeci okuti o kuete uveyi umue kuenje o sukila oku pelaliwa. O sukila oku sapela la ndotolo oco a ku tate. Anga hẽ ku kũlĩhĩsa nda ondotolo yaco ya loñoloha?

Cimuamue haico o sukila oku linga catiamẽla ketavo. Nda o kasi vetavo limue, omuenyo wove watiamẽla ketavo liaco oco o kuate elavoko lioku popeliwa.

Yesu wa eca onumbi yi tu kuatisa oku limbuka nda etavo lietu liocili ale sio. Eye wa popia hati: ‘Uti luti u limbukiwila kepako liawo.’ (Luka 6:44) Eci o kũlĩhĩsa atavo amue, ovituwa vipi omanu vaco va siata oku lekisa? Anga hẽ asongui vatavo aco va siata oku tiamisila utima kolombongo? Va siata hẽ oku pokola kolonumbi vi sangiwa Vembimbiliya viatiamẽla koku litenga vuyaki kuenda koku lekisa ovituwa viwa? Kuli hẽ etavo limue li sesamẽla oku koleliwa? Tu ku laleka oku kũlĩhĩsa ulandu u kuãimo.

[Elitalatu kemẽla 3]

[Etosi lia velapo 3]

‘Uti luti u limbukiwila kepako liawo’—Luka 6:44