Nye Embimbiliya li Popia?
Nye ci pita letu eci tu fa?
OMANU VAMUE VA TAVA okuti, noke yoku fa tu kala lomuenyo kocitumãlo cikuavo, pole vakuavo va sima okuti olofa esulilo liovina viosi. O tava kovina vipi?
CECI EMBIMBILIYA LI POPIA
“Ava va fa lacimue va kũlĩha.” (Ukundi 9:5) Eci tu fa ka tu kala vali komuenyo.
NYE TU LILONGISA VALI VEMBIMBILIYA
Ulume watete Adama, eci a fa, wa tiukila keve. (Efetikilo 2:7; 3:19) Cimuamue haico ci pita lomanu vosi okuti eci va fa, va tiukila keve.—Ukundi 3:19, 20.
Omunu wa fa wa yovuiwa kekandu. (Va Roma 6:7) Momo ka kangisiwa vali omo liekandu noke yoku fa.
Omanu va fa va pondola oku kuata vali omuenyo?
O PONDOLA HẼ OKU POPIA HATI?
Va ka kuata
Ka va ka kuata
Pamue va ka kuata
CECI EMBIMBILIYA LI POPIA
‘Ku ka kala epinduko liomanu va fa.’—Ovilinga 24:15.
NYE TU PONDOLAVO OKU LILONGISA VEMBIMBILIYA?
Olonjanja vimue Embimbiliya li sokisa oku fa lotulo. (Yoano 11:11-14) Suku o pondola oku pindula omunu wa fa, ndeci tu pondola oku pasula omunu wa pekela.—Yovi 14:13-15.
Vembimbiliya mu sangiwa ovolandu alua omanu va pinduiwa okuti, a tu ĩha ekolelo liokuti, omanu va fa va ka pinduiwa. —1 Olosoma 17:17-24; Luka 7:11-17; Yoano 11:39-44.
Li sangiwavo vo www.isa4310.com
Ove o ka ci Sola
APULILO ATAMBULUIWA LEMBIMBILIYA
Epinduko li Lomboloka Nye?
Ove citava okuti o ka komõha poku mõla omunu wa pinduiwa.
