Noke liunyamo wo 4026 O.Y.

“Onyõha” ya tomba omoko ya Yehova yoku viala kuenda onjila yaye yoku viala. Yehova o likuminya oku katula “ocitumbulukila ale “ombuto” yi ka nyanyõla onyõha okuti, Satana. (Efetikilo 3:1-5, 15, etosi) Pole, Yehova o kasi oku ecelela okuti omanu va li viala ovo muẽle lekuatiso lionyõha yaco vokuenda kuotembo yimue.

Kunyamo wo 1943 O.Y.

Yehova o sapuila Avirahama okuti, “ocitumbulukila” ca likuminyiwile ca laikele oku tunda kovitumbulukila viaye.​—Efetikilo 22:18.

Noke liunyamo wo 1070 O.Y.

Yehova o sapuila Soma Daviti kuenda omõlaye Salomone okuti, “ocitumbulukila” ca likuminyiwile ca laikele oku tunda kocikoti cepata liaye.​—2 Samuele 7:12, 16; 1 Olosoma 9:3-5; Isaya 9:6, 7.

Kunyamo 29 K.K.

Yehova o tukula Yesu hati, eye “ocitumbulukila” ca likuminyiwile okuti eye Kapiñala kocalo ca Daviti.​—Va Galatia 3:16; Luka 1:31-33; 3:21, 22.

 Kunyamo 33 K.K.

Onyõha okuti Satana, yi lumana kocisendemãhi “cocitumbulukila” ca likuminyiwile eci Yesu a pondiwa. Yehova o pindula Yesu oco a kuate omuenyo kilu kuenda o tava esilivilo liomuenyo wa lipua wa Yesu, poku ecelela okuti akandu ovitumbulukila a ecelua kuenda oku eca omuenyo ko pui kovitumbulukila via Adama.​—Efetikilo 3:15; Ovilinga 2:32-36; 1 Va Korindo 15:21, 22.

Kunyamo wo 1914 K.K.

Yesu o takumuila palo posi onyõha okuti Satana kuenje ecelela okuti o kalapo otembo yimue yitito.​—Esituluilo 12:7-9, 12.

Kovaso yoloneke

Yesu o kapa Satana vokayike, oco a kalemo ci soka 1.000 kanyamo, noke u kundula okuti, vupopi wocindekaise ci lomboloka oku sasõla utue waye. Ocipango catete ca Yehova catiamẽla kongongo kuenda komanu ci tẽlisiwa, noke onduko yaye yi yelisiwa kesepu kuenje onjila yaye yoku viala yi kemãlisiwa.​—Esituluilo 20:1-3, 10; 21:3, 4.