Olosapo 19:1-29
19 Ca velapo oku kala ohukũi loku endela vesunga+
Okuti oku kala eveke loku vangula ovohembi ci sule.+
2 Ka ciwako omunu oku kamba ukũlĩhĩso,+Kuenje omunu una o linga ovina lonjanga* o lueya.
3 Uveke womunu owo u pengisa onjila yaye,Kuenje utima waye u funguila Yehova.
4 Ohuasi yi kuete akamba valua,Pole, ohukũi yi ka yandulukiwa ndaño muẽle lekamba liaye.+
5 Ombangi yesanda ka yi ka puluka keyambulo,+Kuenda omunu wosi o kemba eci a yulula omẽla waye, ka ka puluka.+
6 Valua va sanda ohenda yomunu ukuacali,Kuenda omanu vosi va linga akamba vomunu eca olombanjaile.
7 Ohukũi yi suvukiwa la vamanjaye vosi;+Ca piãla vali akamba vaye, vo yanduluka!+
Eye o kuama konyima yavo lapingilo, pole, lomue o tambulula.
8 Wosi o kuete olondunge* o li sole eye muẽle.+
Wosi o kapako elomboloko o ka kuata onima yiwa.*+
9 Ombangi yesanda ka yi ka puluka keyambulo,Kuenda omunu wosi o kemba eci a yulula omẽla waye, o ka nyõliwa.+
10 Eveke ka li sesamẽla oku kala velau;Ca piãla enene upika umue ka sesamẽla oku viala olombuale!+
11 Olondunge viomunu viu teyuila oco ka ka teme lonjanga,+Kuenda ca posoka kokuaye oku yuvula oku kapako ekandu.+
12 Onyeño ya soma yi kasi ndoku koma kuohosi,*+Pole, ohenda yaye yi kasi ndowume kovikũla.
13 Omõla eveke o kokela isiaye ovitangi,+Kuenda ukãi ukuovama* o kasi ndolusoka lu loka loka atosi.+
14 Onjo kuenda ovokuasi, vi piñaliwa kolonjali,Pole, ukãi ukualondunge ombanjaile yimue yi tunda ku Yehova.+
15 Owesi u koka otulo tualua,Ukuawesi o ka kala onjala.+
16 Omunu wosi o kapako ocihandeleko o teyuila omuenyo waye;+Omunu wosi ka kapiko ovitangi viyilila kolonjila viayeo ka fa.+
17 Omunu wosi o lekisa ohenda kohukũi o kasi oku undika ku Yehova,+Kuenje Eye o ko tiuwila* omo lieci a linga.+
18 Pindisa omõlove osimbu kuli elavoko,+Kuenda ku ka kuate eko* liolofa viaye.+
19 Omunu o tema lonjanga o ka yambuiwa;Nda ove o seteka oku u popela, o ka sukila oku ci linga olonjanja viosi.+
20 Yevelela kelungulo kuenda tava kepindiso,+Oco o kuate olondunge kovaso yoloneke.+
21 Vutima womunu muli asokiyo alua,Pole, ocipango* ca Yehova, oco ci ka tumãla.+
22 Eci ci yonguiwa komunu umue, ocisola caye ka ci pongoloka;+Kuenda ca velapo oku kala ohukũi okuti, oku kala ohembi ci sule.
23 Oku sumbila Yehova ku tuala komuenyo;+Wosi o kuete esumbilo liaco, o ka kuata epuyuko liwa okuti cĩvi ka cu sangi.+
24 Ukuawesi o kapa eka liaye vetiyela,Pole, eye ka likolisilako oku tuala vali eka liaco komẽla waye.+
25 Veta ukuakupembula+ oco omunu wa kamba olondunge a kuate olondunge,+Lungula ukuelomboloko oco ukũlĩhĩso waye u livokiye.+
26 Una o tata lãvi isiaye kuenda o tundisa inaye,Eye omõla umue o koka osõi kuenda ekambo liesumbilo.+
27 Amõlange, nda wa liwekapo oku yevelela kepindiso,Ove o ka yanduluka olondaka viukũlĩhĩso.
28 Ombangi ka yi silivila, yi sepula esunga,+Olondingaĩvi vi sanjukila oku linga eci cĩvi.+
29 Esombiso lia solekiwila vakuakupembula,+Kuenda oku tipuiwa kua solekiwila onyima yaveke.+
Atosi Pombuelo
^ Lit., “o yayulako lovolu aye.”
^ Lit., “o kuata utima.”
^ Lit., “o ka sanga uwa.”
^ Ale “eyove liohosi.”
^ Ale “ukuakulisiõsiõla.”
^ Ale “o ko wĩha onima.”
^ Ale “oku livela.”
^ Ale “onjongole; elungulo.”
