Olosamo 73:1-28
Osamo ya Asafe.+
73 Ocili, Suku uwa ku Isareli, ku vana va kuete utima wa yela.+
2 Catiamẽla kokuange, olomãhi viange via puluka oku yapuka;Olomãhi viange via puluka oku sielũha.+
3 Momo nda kuatela onya vakuakulipanda,*Eci nda mola ombembua yolondingaĩvi.+
4 Ovo va fa okuti ka va tali ohali;Atimba avo a kuete uhayele.*+
5 Ovo ka va kuete ovitangi ndevi via siata komanu vosi vakuavo,+Ndaño oku tala ohali ndomanu vakuavo.+
6 Epela lia linga omota yavo yo posingo;+Ungangala wa va wala nduwalo.
7 Ovokuasi* avo a lingisa ovaso avo anene;Oku litunda kuavo kuwa, ku pitahãla asokoluilo wutima wavo.
8 Ovo va pembula vakuavo kuenda va popia ovina vĩvi.+
Ovo loku litunula, va lipañela oku koka ohali.+
9 Ovo va litunula momo va sima okuti, va kasi calua kilu ndovailu,Ovo va ñuala ilu lieve loku vangula lelimi liavo eci va yongola.
10 Kuenje omanu vaye va tiuka kokuavo,Kuenda va nyua kovava avo alua.
11 Ovo vati: “Suku o ci kũlĩha ndati?+
Anga hẽ Fũ wa kũlĩha muẽle ovina viosi?”
12 Ocili, evi ovio olondingaĩvi okuti, otembo yosi ka vi kuete esakalalo.+
Ovio viamamako oku vokiya ovipako viavo.+
13 Ocili, nda yelisa utima wange elivovaKuenda nda sukula ovaka ange oco ndi lekise okuti nda pua eko.+
14 Nda kuatele ovitangi eteke liosi;+Omẽle yosi nda enda oku kangisiwa.+
15 Pole, nda nda vanguile ovina evi,Nda nda pakula omanu vove.*
16 Eci nda seteka oku kuata elomboloko liaco,Ca tĩlile kokuange,
17 Toke eci nda iñila vocitumãlo ci kola ca Suku culamba,Kuenda nda kuata elomboloko lioviyaneke viavo.
18 Ocili, ove o va kapa posi ya sielena.+
Oco ovo va kupuke loku kunduiwa.+
19 Ovo va kunduiwa ocipikipiki!+
Esulilo liavo liya ocipikipiki kuenda lĩvi!
20 A Yehova, ndeci ci kasi onjoi eci omunu umue a pasuka,Eci ove o votoka o ka va likala.
21 Pole, utima wange wa sumuĩle,+Kuenda nda yeva evalo lialua vokati kange.*
22 Ame sia endaile oku sokolola kuenda nda kambele elomboloko;Nda kala ndocinyama ka ci kuete olondunge kovaso ove.
23 Pole, cilo ndi kasi love olonjanja viosi;Ove wa kuata eka liange liondio.+
24 Ove o ndi songuila lelungulo liove,+Kuenje noke o ka ndi songuila kulamba.+
25 Helie vali ndi kuete kovailu oco a ndi kuatise?
Ame si liveli lacimue kilu lieve, te lika ove.+
26 Etimba liange kuenda utima wange vi pondola oku hongua,Pole, Suku o teyuila utima wange, eye handa yange haeye onepa yange otembo ka yi pui.+
27 Ocili, vana vamamako oku kala ocipãla love, va ka fa.
Ove o ka nena esulilo komunu wosi okuti, hukuaciliko* kokuove.+
28 Pole, catiamẽla kokuange oku amela ku Suku, ciwa.+
Nda lingisa Ñala Tõlo Yehova ocitililo cange,Oco ndi sapule ovopange aye osi.+
Atosi Pombuelo
^ Ale “vakuakulitunula.”
^ Ale “Imo liavo lia lẽla.”
^ Lit., “oku neta.”
^ Lit., “ocitumbulukila comãla vove.”
^ Lit., “volongẽla viange.”
^ Ale “una o lekisa ovilinga ndevi viomunu ukuevĩho.”
