Isaya 48:1-22
48 Yeveleli eci, Anjo ya Yakoba,Ene vu li tukula ene muẽle londuko ya Isareli+Haene wa tundi kovava o* Yuda,Ene vu lisinga vonduko ya Yehova+Haene vu vilikiya ku Suku ya Isareli,Ndaño okuti ka vu ci lingi locili kuenda esunga.+
2 Momo va li tukula ovo muẽle londuko yolupale lu kola+Kuenda va sanda ekuatiso lia Suku ya Isareli,+Una okuti, onduko yaye Yehova ukualohoka.
3 “Ame nda popia ovina viale* tunde kosimbu.
Ovio via tunda vomẽla wange muẽle,Kuenda ame nda lingisa okuti vi kũlĩhĩwa.+
Vocipikipiki nda ci linga kuenda ca tẽlisiwa.+
4 Omo okuti nda kũlĩhĩle ndomo ove wa sina,Okuti osingo yove esokoluilo limue liutale kuenda upolo wove osipi,+
5 Ame nda ku ci sapuila tunde kosimbu.
Osimbu ovio ka via pitile, ame nda vi situluila kokuove oco o vi yeve,Oco okuti ku popi hati: ‘Ociteka cange oco ca vi linga;Ociñumañuma cange ca songiwa kuenda ociñumañuma cange cutale ovio via vi handeleka.’
6 Ove wa ci yeva kuenda wa mola ovina viaco viosi.
Ove hẽ ku ka vi sapuila ku vakuene?+
Oku upisa cilo, ame ndi ka situluila ovina viokaliye kokuove, +Ovina via selekiwa vuyombeki okuti ove kua vi kũlĩhĩle.
7 Cilo, oco lika ovio vi kasi oku lulikiwa kuenda ka via lulikiwile osimbu,Ovina viaco, lalimue eteke wa vi yevele toke etaili,Omo liaco, ku pondola oku popia okuti: ‘Tala! Ame nda vi kũlĩhĩle ale.’
8 Sio, ove kua vi yevele,+ kua vi kũlĩhĩle,Kuenda ove kosimbu atũi ove a yikiwile.
Momo ame nda kũlĩhĩle okuti ove wukuesino,+Kuenda wa tukuiwile okuti, wukuakandu tunde koku citiwa.+
9 Pole, omo lionduko yange, ame ndi ka likandangiya konyeño yange;+Omo liesivayo liange muẽle ndi ka litiukamo kokuove,Kuenda si ka ku nyõla.+
10 Tala! Ame nda ku kangula, pole, sia ci lingile ndeci ci lingiwa lopalata.+
Ame nda ku seteka* vofolono ya tokota yohali.+
11 Omo lionduko yange, ame ndi ka ci linga,+Omo liaco, ndi pondola ndati oku li vĩhisa ame muẽle?+
Ulamba wange siu weci komunu ukuavo.*
12 Yevelela A Yakoba kuenda a Isareli una ame nda kovonga.
Ame Ndumuamue.+ Ame tete; Amevo nda sulako.+
13 Eka liange muẽle lia sovola ociseveto congongo,+Kuenda eka liange liondio lia nyanyumũla ovailu.+
Eci ndi vi kovonga, viosi viya.
14 Liongoluili pamosi vosi yene kuenda yeveleli.
Helie pokati kavo wa sapula ovina evi?
Yuna Yehova a sola.+
Eye o ka linga lo Bavulono ndeci ca sunguluka kokuaye,+Kuenda eka liaye li ka katukila va Kaldea.+
15 Ame muẽle nda ci popia kuenda ame ndo vilikiya.+
Ame ndo nena kuenda onjila yaye yi ka sumũlũisiwa.+
16 Ameli kokuange kuenda ci yeveleli.
Tunde kefetikilo sia la vanguila vuyombeki.+
Opo nda kala eci ovina via kala oku pita.”
Kuenje cilo, Ñala Tõlo Yehova wa ndi tuma ame kuenda* espiritu liaye.
17 Ca popia Yehova Upopeli wove, Una o Kola wa Isareli ceci hati:+
“Ame ndi Yehova, ndi Suku yove,Una o ku longisa eci ci ku kuatisa,*+Una o ku songuila vonjila o sukila oku endela.+
18 Nda ove wa yevelile kovihandeleko viange!+
Ombembua yove nda ya kala ndolui+Kuenda esunga liove nda lia kala ndakimba okalunga.+
19 Ocitumbulukila* cove;Kuenda ovitumbulukila viove vi ka lua calua ndeseke.+
Onduko yavo lalimue eteke yi tetiwako ale oku nyõliwa kovaso ange.”
20 Tundi vo Bavulono!+
Tili va Kaldea!
Sandeki eci loku kaluka lesanju! Ci sapuli!+
Ci kũlĩhĩwe toke kasulilo o kilu lieve.+
Popi hoti: “Yehova wa yovola ukuenje waye Yakoba.+
21 Ovo ka va kuatele enyona eci a va songuila poku pita vovitumãlo viekalasoko.+
Eye wa va tundisila ovava vesenje;Eye wa tola esenje limue kuenje mua tunda ovava.”+
22 “Ka kuli ombembua kolondingaĩvi,” oco Yehova a popia.+
Atosi Pombuelo
^ Ale pamue, “va tunda kocitumbulukila co.”
^ Lit., “viatete.”
^ Ale “oku konomuisa.” Ale pamue, “oku nõla.”
^ Ale “Si tepelako ulamba wange komunu umue.”
^ Ale “kumue le.”
^ Ale “eci ciwa kokuove muẽle.”
^ Lit., “ombuto.”
