OCIPAMA 20
Ndomo Ekongelo Lia Sokiyiwa
Yehova, hayeko Suku yombuanja. (1 Korindo 14:33) Kuenje tu lavokavo okuti afendeli vaye, havakuambuanjako. Ekongelo Liakristão lia sokiyiwa ndati? Nye tu sukila oku linga oco li kuate onima yiwa?
1. Helie utue wekongelo?
“Kristu . . . eye utue wekongelo.” (Va Efeso 5:23) Oku upisa kilu, o songuila ovopange afendeli va Yehova voluali luosi. Yesu wa nõla “ukuenje wa kolelua haeye wa lunguka” okuti, ocimunga cimue citito cakulu vekongelo va loñoloha, ca kũlĩhĩwavo okuti, Osungu Yolombangi Via Yehova. (Tanga Mateo 24:45-47.) Ndeci ovapostolo vo kocita catete kuenda akulu vekongelo vo ko Yerusalãi, Osungu Yolombangi Via Yehova, yecaeca olonumbi vakongelo koluali luosi. (Ovilinga 15:2) Pole, alume vaco havoko va songuila ocisoko cetu. Va sanda olonumbi via Yehova Vondaka yaye loku kuama olonumbi via Yesu.
2. Velie akulu vekongelo kuenda cipi ocikele cavo?
Akulu vekongelo, alume Akristão va loñoloha okuti, va longisa Ovisonehua kuenda va nyula afendeli va Yehova poku va kuatisa loku va vetiya. Ovo ka va fetiwa omo liupange va lingainga. Pole, ovo va vumba “lutima wosi kovaso a Suku; halocipululuko conganyu, te lombili.” (1 Petulu 5:1, 2) Akulu vekongelo va kuatisiwa loloñuatisi viekongelo vina okuti, noke liotembo yimue, vi lingavo akulu vekongelo.
Osungu Yolombangi Via Yehova yi nõla akulu vamue vekongelo oco va linge vakuakunyula akongelo. Ovo va nyula akongelo alua oco a pamisiwe. Ovo va nõla akulu vana vekongelo loloñuatisi viekongelo vi tẽlisa olonumbi Viembimbiliya. —1 Timoteo 3:1-10, 12; Tito 1:5-9.
3. Cipi ocikele Combangi Lombangi ya Yehova?
Vosi vekongelo va “sivaye onduko ya Yehova” poku panga onepa kolohongele loku likolisilako oku endaenda kupange woku kunda ndomo ci likuata lekalo liavo. —Tanga Olosamo 148:12, 13.
LILONGISA ONDONGOSI
Lilongisa ndomo Yesu a songola, ndomo akulu vekongelo va setukula ongangu yaye, ndomo tu pokola ku Yesu kuenda kakulu vekongelo.
4. Yesu usongui umue o kavuluisa
Yesu o tu ĩha elaleko limue li vetiya. Tanga Mateo 11:28-30, noke konomuisa apulilo a kuãimo:
-
Yesu o yongola okuti tu liyeva ndati poku tu songuila?
Akulu vekongelo va setukula ndati ongangu ya Yesu? Tala OVIDEO.
Embimbiliya li longisa ndomo akulu vekongelo va sukila oku linga upange wavo.
Tanga Isaya 32:2 kuenda 1 Petulu 5:1-3, noke konomuisa apulilo a kuãimo:
-
O liyeva ndati poku kũlĩha okuti, Yesu, lakulu vekongelo va kavuluisa vakuavo?
-
Vipi vimue pokati kolonjila akulu vekongelo va setukula Yesu?
5. Akulu vekongelo va longisa longangu
Yesu o yongola okuti akulu vekongelo va tenda ndati ocikele cavo? Tala OVIDEO.
Yesu wa tumbika olonumbi vi kuatisa vana va songuila ekongelo. Tanga Mateo 23:8-12, noke konomuisa epulilo li kuãimo:
-
Nye ci ku komõhisa catiamẽla ketepiso li kasi pokati kolonumbi Viembimbiliya akulu vekongelo va kuãi leci wa siata oku mola kasongui vetavo?
-
Akulu vekongelo vamamako oku li pamisa kespiritu kuenda apata avo
-
Akulu vekongelo va tata ciwa vosi vekongelo
-
Akulu vekongelo va kunda otembo yosi
-
Akulu vekongelo alongisi. Va kuatisavo koku yelisa kuenda kovopange akuavo
6. Tu pondola oku pokola kakulu vekongelo
Embimbiliya li tu ĩha esunga limue lia velapo lieci tu pokuila kakulu vekongelo. Tanga Va Heveru 13:17, noke konomuisa apulilo a kuãimo:
-
Ca sunguluka hẽ Embimbiliya oku tu vetiya oku pokola loku liketisa ku vana va tu songuila? Momo lie?
Tanga Luka 16:10, noke konomuisa epulilo li kuãimo:
-
Momo lie tu pokuila kakulu vekongelo ndaño ocina caco ci kasi ndu okuti ka ci silivila calua?
OMANU VAMUE VA POPIA VATI: “Ku sukila oku panga onepa kocisoko cimue cetavo.”
-
Onima yipi omunu a pondola oku kuata poku fendelela Suku vekongelo limue?
NYE WA LILONGISA?
Yesu eye utue wekongelo. Tu kuatisa akulu vekongelo poku pokola lutima wosi omo okuti, va tu kavuluisa loku tu longisa longangu yavo.
Oku Pitulula
-
Helie utue wekongelo?
-
Akulu vekongelo va kuatisa ndati ekongelo?
-
Cipi ocikele cufendeli lufendeli wa Yehova?
OCO O KŨLĨHE OVINA VIKUAVO
Tala uvangi u lekisa esakalalo Osungu Yolombangi Via Yehova kuenda akulu vakuavo vekongelo va kuetele Akristão koloneke vilo.
Kũlĩha upange vamanji vakuakunyula akongelo va siata oku linga.
Upange wa Vamanji va Nyula Akongelo Kovitumãlo Viocipãla (4:51)
Tanga eci catiamẽla kocikele akãi va kuete vekongelo.
Kũlĩha ndomo upange wakulu vekongelo u pamisa vamanji vakuavo.
“Akulu Vekongelo ‘va Talavaya Oco va Vokiye Esanju Lietu’” (Utala Wondavululi 15 wa Susu 2013)
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
