Wa sanjukila hẽ ovina wa lilongisa?
O yongola hẽ oku lilongisa ovina vikuavo viatiamẽla Kembimbiliya?
Eyi, onepa yimue ño yovina o pondola oku lilongisa velivulu Sanjukili Omuenyo Otembo ka yi Pui!—Elilongiso Liembimbiliya.
Elivulu, ale elilongiso liaco, viocali. Tu sanjukila oku lilongisa love velivala kuenda pocitumãlo ca ku sungulukila.
Velilongiso liaco Liembimbiliya, o ka lilongisa olosapi vialua oku kongelamo evi vi kuãimo ndeci:
Ocimãho comuenyo
Ndomo o kuata ombembua yocili
Ndomo apata a pondola oku kuata esanju
Ceci Embimbiliya li likuminya catiamẽla kovaso yoloneke
Oco o tambule elivulu kuenda oku amamako lelilongiso Liembimbiliya, sapela Lombangi yimue ya Yehova, ale soneha vocicapa ci sangiwa vo jw.org oco ku lingiwe elilongiso Liembimbiliya.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
