Suku o kuete ongusu yimue ya velapo Voluali luosi. Embimbiliya li tukula ndomo a lulika olohuluwa violombungululu poku popia ndoco: “U o kola wa popia hati, Vu sokisa lelie okuti ndi lisoka laye? Petuili ovaso kilu, vanji; helie wa vi lulika? U o vi tundisa lumosi lumosi vohoka yavio poku vi tukula olonduko, eye wa vi lulika. Kuenje omo unene waye wa piãla longusu yaye ya lua cimue oco lalumue lu kambapo.”—Isaya 40:25, 26.

 Pole, Suku ka kuete lika ongusu yalua. Embimbiliya li popia okuti, Suku o kuetevo ovituwa vimue ndeci, ocisola kuenda oku suvuka evĩho. (Osamo 11:5; Yoano 3:16) Olio li lekisavo okuti onjila omanu va kuama, yi pondola oku sumuisa Suku, ale oku u sanjuisa.—Osamo 78:40, 41.