Embimbiliya li tu sapuila okuti ka ci tava oku tambula osonde volonepa via litepa. Omo liaco ka ci tava okuti tu tambula osonde, ndeci oku yi lia ale oku yi tambuila vasipa. Kũlĩhisa ovinimbu Viembimbiliya vi kuãimo:

•   Efetikilo 9:4. Suku wa sapuilile Noha kumue lepata liaye oco va lie ositu yovinyama noke Yetande, pole, Suku wa va sapuila okuti ka ci tava oku lia osonde. Eye wa sapuila Noha hati: “Puãi ositu yi kuete omuenyo wayo okuti osonde ka ci tava oku yi lia.” Onumbi yaco yi tiamisiwilavo komanu vosi momo vosi va tunda ku Noha.

•   Ovisila 17:14. “Ko ka li osonde yetimba, nda ye nda ye, momo omuenyo watimba osi osonde yao, wosi o yi lia o tepiwa ku vakuavo. Ku Suku omuenyo u kasi vosonde kuenda watiamẽla Kokuaye”. Ndaño okuti, ocihandeleko caco ca eciwile lika ku va Isareli, pole, ci lekisa esilivilo lieci Suku a popela okuti, ka ci tava oku lia osonde.

•   Ovilinga. 15:20. ‘A likandangiye kosonde.’ Suku wa sapuila Akristão ovina vimuamue ndeci a linga la Noha. Ovolandu a lekisa okuti, Akristão vo kocita catete ka va endaile oku lia osonde ndaño muẽle oku yi tambuila vasipa.

Momo lie Suku a tu handelekela oku likandangiya kosonde?

 Kuli esunga lieci tu sukilila oku yuvula oku tambula osonde. Ocina ca velapo ceci okuti, Suku o yongola okuti tu likandangiya kosende momo oyo yi lomboloka omuenyo kuenda yi kola ku Suku.—Ovisila 17:11; Va Kolosai 1:20.