بۈگۈنكى كۈندە،‏ نۇ‌رغۇ‌نلىغان كىشىلە‌ر ئۆزلىرىنىڭ ئىمان-‏ئېتىقادى بارلىقىنى جاكارلىشىدۇ.‏ ئە‌مما،‏ ئە‌يسا پە‌يغە‌مبە‌ر كە‌لگۈسىدە ھە‌قىقىي ئىمان-‏ئېتىقادلىق كىشىلە‌ر ناھايىتى ئاز بولىدىغانلىقى ھە‌ققىدە تە‌لىم بە‌رگە‌ن.‏ ئۇ:‏ «ھالاكە‌تكە ئېلىپ بارىدىغان دە‌رۋازا كە‌ڭ ۋە يول ئازادە،‏ ئۇ‌نىڭدىن كىرىپ ماڭغۇ‌چىلارمۇ كۆپ.‏ ئە‌مما،‏ ھاياتلىققا ئېلىپ بارىدىغان دە‌رۋازا تار ۋە يول قىستاڭ،‏ ئۇ‌نى تاپىدىغانلار ئاز»،‏—‏ دېگە‌ن ئىدى‏.‏‏—‏ مە‌تتا 7:‏13،‏ 14‏.‏

بۈگۈنكى كۈندە،‏ كىشىلە‌ر ئۆزىنىڭ ھە‌قىقىي ئىمان-‏ئېتىقادى بارلىقىنى قانداق كۆرسىتە‌لە‌يدۇ؟‏ ئە‌يسا مە‌سىھ،‏ ھە‌قىقىي ئىمان-‏ئېتىقاد ھە‌ققىدە تە‌لىم بە‌رگە‌ندە:‏ «سىلە‌ر ئۇ‌لارنى مېۋىلىرىدىن تونۇ‌ۋالالايسىلە‌ر.‏ … ھە‌ر بىر ياخشى دە‌رە‌خ ياخشى مېۋە بېرىدۇ،‏ ھە‌ر بىر يامان دە‌رە‌خ يامان مېۋە بېرىدۇ»،‏—‏ دېگە‌ن ئىدى (‏مە‌تتا 7:‏16،‏ 17‏)‏.‏ شۇ‌ڭا،‏ ھە‌قىقىي ئىمان-‏ئېتىقاد —‏ كىشىلە‌رنى خۇ‌دانى خۇ‌رسە‌ن قىلىدىغان ئېسىل پە‌زىلە‌تلە‌رنى يېتىلدۈرۈشكە ئۈندە‌يدۇ.‏ شۇ ئېسىل پە‌زىلە‌تلە‌ر خۇ‌ددى «ياخشى مېۋە»گە ئوخشاشتۇ‌ر.‏ ئۇ‌لار نېمە ئىش قىلىش ئارقىلىق ھە‌قىقىي ئىمان-‏ئېتىقادنى كۆرسىتىدۇ؟‏

ھە‌قىقىي ئىمان-‏ئېتىقادلىق كىشىلە‌ر ئۆزلىرىنىڭ كۈچ-‏قۇ‌درە‌ت ۋە ھوقۇ‌قىنى ئىشلىتىپ،‏ خۇ‌داغا شان-‏شە‌رە‌پ ئېلىپ كېلىدۇ ۋە باشقىلارغا پايدا-‏مە‌نپە‌ئە‌ت يە‌تكۈزىدۇ.‏ ئە‌يسا پە‌يغە‌مبە‌ر:‏ «ئاراڭلاردا كىم مە‌رتىۋىلىك بولۇ‌شنى خالىسا،‏ سىلە‌ر ئۈچۈن خىزمە‌تكار بولسۇ‌ن»،‏—‏ دە‌پ تە‌لىم بە‌رگە‌ن (‏ماركۇ‌س 10:‏43‏)‏.‏ شۇ‌نىڭغا ئوخشاش،‏ ھە‌قىقىي ئىمان-‏ئېتىقادلىق كىشىلە‌ر مە‌يلى ئۆي ئىچىدە ياكى سىرتلاردا زومىگە‌رلىك قىلمايدۇ.‏ ئۇ‌لار ئۆز ئاياللىرىنى قە‌دىرلە‌پ ھۆرمە‌تلە‌يدۇ ۋە كۆيۈمچانلىق بىلە‌ن ئۇ‌لارنىڭ ئېھتىياجلىرىنى قامداشقا تىرىشىدۇ.‏ مۇ‌قە‌ددە‌س يازمىلار:‏ «ئە‌ي ئە‌رلە‌ر،‏ ئاياللىرىڭلارنى سۆيۈڭلار ۋە ئۇ‌لارغا قوپال مۇ‌ئامىلە قىلماڭلار»،‏—‏ دە‌يدۇ (‏كولوسىلىقلار 3:‏19‏)‏.‏ ھە‌مدە،‏ «ئە‌ي ئە‌رلە‌ر،‏ ئالغان بىلىمىڭلارغا يارىشا ئايالىڭلارغا مۇ‌ئامىلە قىلىڭلار.‏ ئۇ‌لارمۇ سىلە‌رگە ئوخشاش ھاياتلىق ئىلتىپاتىغا مىراسخورلار بولغان ئىكە‌ن،‏ ئاياللارنى خۇ‌ددى نە‌پىس قاچىدە‌ك ئە‌زىزلە‌ڭلار.‏ شۇ‌نداق قىلساڭلار،‏ دۇ‌ئالىرىڭلار توسالغۇ‌غا ئۇ‌چرىمايدۇ»،‏—‏ دە‌پ ئاگاھلاندۇ‌رىدۇ‏.‏‏—‏ 1-‏پېترۇ‌س 3:‏7‏.‏

ھە‌قىقىي ئىمان-‏ئېتىقادلىق ئاياللارنى ئېلىپ ئېيتساق،‏ ئۇ‌لار،‏ «ئايالمۇ ئۆز ئېرىنى چوڭقۇ‌ر ھۆرمە‌تلىسۇ‌ن»،‏—‏ دېگە‌ن بۇ‌يرۇ‌ققا بويسۇ‌نىدۇ (‏ئە‌فە‌سلىكلە‌ر 5:‏33‏)‏.‏ ئۇ‌لار «ئۆز ئە‌رلىرىنى ۋە پە‌رزە‌نتلىرىنى» سۆيىدۇ (‏تىتۇ‌س 2:‏4‏)‏.‏ ھە‌قىقىي ئىمان-‏ئېتىقادلىق ئاتا-‏ئانىلار ۋاقىت چىقىرىپ بالىلىرىغا ھە‌مرا بولىدۇ ۋە ئۇ‌لارغا خۇ‌دانىڭ قانۇ‌نلىرى ۋە قائىدە-‏پرىنسىپلىرىنى ئۆگىتىدۇ.‏ ھە‌ممىلا جايدا،‏ مە‌يلى ئۆيدە ياكى خىزمە‌ت ئورنىدا بولسۇ‌ن،‏ كىشىلە‌رگە ئىززە‌ت-‏ھۆرمە‌ت كۆرسىتىپ،‏ مۇ‌قە‌ددە‌س يازمىلاردىكى:‏ «تە‌شە‌ببۇ‌سكارلىق بىلە‌ن بىر-‏بىرىڭلارنى ھۆرمە‌تلە‌ڭلار»،‏—‏ دېگە‌ن نە‌سىھە‌تكە قۇ‌لاق سېلىپ ياشايدۇ‏.‏‏—‏ رىملىقلار 12:‏10‏.‏

ھە‌قىقىي ئىمان-‏ئېتىقادلىق كىشىلە‌ر ھوقۇ‌قىدىن قالايمىقان پايدىلىنىپ،‏ ئۆزىگە بايلىق توپلىمايدۇ.‏ چۈنكى،‏ ئۇ‌لار مۇ‌قە‌ددە‌س يازمىلاردىكى:‏ «پارا ئالمىغىن»،‏—‏ دېگە‌ن بۇ‌يرۇ‌ققا بويسۇ‌نىدۇ (‏چىقىش 23:‏8‏)‏.‏ ئۇ‌لار باشقىلارغا،‏ بولۇ‌پمۇ غېرىب-‏مىسكىنلە‌رگە ياردە‌م بېرىش ئۈچۈن پۇ‌رسە‌تلە‌رنى ئىزدە‌يدۇ.‏ سە‌ۋە‌بى،‏ ئۇ‌لار يازمىلاردىكى:‏ «ياخشىلىق قىلىشنى ۋە ئۆزۈڭلاردا بارىنى باشقىلار بىلە‌ن ئورتاقلىشىشنى ئۇ‌نتۇ‌ماڭلار.‏ چۈنكى،‏ خۇ‌دا بۇ‌نداق قۇ‌ربانلىقلاردىن خۇ‌رسە‌ن بولىدۇ»،‏—‏ دېگە‌ن نە‌سىھە‌تنى ئېسىدە مە‌ھكە‌م ساقلايدۇ (‏ئىبرانىيلار 13:‏16‏)‏.‏ شۇ‌ڭلاشقا ئۇ‌لار،‏ ئە‌يسا مە‌سىھنىڭ «بە‌رمە‌ك ئالماقتىنمۇ زور بە‌ختتۇ‌ر»،‏—‏ دېگە‌ن سۆزلىرىنىڭ ھە‌قىقە‌ت ئىكە‌نلىكىنى ئۆز بېشىدىن ئۆتكۈزگە‌ن‏.‏‏—‏ ئە‌لچىلە‌ر 20:‏35‏.‏

ھە‌قىقىي ئىمانلىق كىشىلە‌ر خۇ‌دانىڭ قانۇ‌نلىرىغا خۇ‌شاللىق بىلە‌ن بويسۇ‌نىدۇ،‏ چۈنكى،‏ ئۇ‌لار ئۈچۈن «ئۇ‌نىڭ ئە‌مرلىرى ئېغىر ئە‌مە‌س» (‏1-‏يۇ‌ھاننا 5:‏3‏)‏.‏ ئۇ‌لار:‏ «يە‌ھۋانىڭ قانۇ‌نى مۇ‌كە‌ممە‌لدۇ‌ر،‏ … يە‌ھۋانىڭ بۇ‌يرۇ‌قلىرى ئادىلدۇ‌ر،‏ كۆڭۈلنى خۇ‌شال قىلار.‏ يە‌ھۋانىڭ ئە‌مرى پاكتۇ‌ر،‏ كۆزلە‌رنى روشە‌ن قىلار»،‏—‏ دېگە‌ن ھېكمە‌تنى چۈشىنىپ يە‌تكە‌ن‏.‏‏—‏ زە‌بۇ‌ر 19:‏7،‏ 8‏.‏

ھە‌قىقىي ئىمان-‏ئېتىقاد كىشىلە‌رنى ھە‌رقانداق كە‌مسىتىشلە‌رنى تاشلاشقا ئۈندە‌يدۇ.‏ شۇ‌ڭا،‏ ھە‌ق خۇ‌دانى ئۈلگە قىلغۇ‌چىلار،‏ بىر مىللە‌ت ياكى بىر دۆلە‌تنى يە‌نە بىردىن يۇ‌قىرى دە‌پ باھالىمايدۇ ۋە جە‌مئىيە‌تتە كىشىلە‌رنى يۇ‌قىرى-‏تۆۋە‌ن قاتلاملارغا ئايرىمايدۇ.‏ سە‌ۋە‌بى،‏ «خۇ‌دا ھە‌ممىنى تە‌ڭ كۆرىدىكە‌ن.‏ قايسى مىللە‌تتىن بولۇ‌شىدىن قە‌تئىينە‌زە‌ر،‏ ئۇ‌نىڭدىن قورقۇ‌پ،‏ توغرا ئىشلارنى قىلىدىغان ھە‌رقانداق كىشىنى قوبۇ‌ل قىلىدىكە‌ن»،‏—‏ دېگە‌ن سۆزلە‌رنى،‏ ئۇ‌لار ياخشى بىلىدۇ.‏—‏ ئە‌لچىلە‌ر 10:‏34،‏ 35‏.‏

ھە‌قىقىي ئىمان-‏ئېتىقادلىق كىشىلە‌ر «ھە‌ر ئىشتا راستچىل بولۇ‌شنى» خالايدۇ (‏ئىبرانىيلار 13:‏18‏)‏.‏ ئۇ‌لار يە‌نە غە‌يۋە‌ت-‏شىكايە‌ت ۋە تۆھمە‌ت قىلىشتىن خالىي بولىدۇ.‏ چۈنكى ئۇ‌لار،‏ داۋۇ‌ت پە‌يغە‌مبە‌رنىڭ زە‌بۇ‌ردا:‏ «تىلى بىلە‌ن تۆھمە‌ت قىلمايدىغانلار،‏ ئۆز قوشنىسىغا ھېچقانداق يامانلىق قىلمايدىغانلار»نى خۇ‌دانىڭ مە‌قبۇ‌ل قىلىدىغانلىقىنى يېزىپ قالدۇ‌رغانلىقىدىن خە‌ۋە‌ردار بولغان‏.‏‏—‏ زە‌بۇ‌ر 15:‏3‏.‏

ھە‌قىقىي ئىمان-‏ئېتىقادلىق كىشىلە‌ر مۇ‌قە‌ددە‌س يازمىلارغا ئاساسە‌ن تۇ‌رمۇ‌ش كە‌چۈرىدۇ.‏ سە‌ۋە‌بى،‏ «مۇ‌قە‌ددە‌س يازمىلارنىڭ ھە‌ممىسى خۇ‌دانىڭ ئىلھامى بىلە‌ن بولغان.‏ ئۇ تە‌لىم بېرىش،‏ تە‌نبىھ بېرىش،‏ تۈزىتىش،‏ ھە‌ققانىيلىق يولىدا تە‌ربىيىلە‌ش ئۈچۈن پايدىلىقتۇ‌ر» (‏2-‏تىموتىي 3:‏16‏)‏.‏ ئۇ‌لار باشقىلار بىلە‌ن مۇ‌ناسىۋە‌ت قىلىغاندا،‏ «يۇ‌قىرىدىن كە‌لگە‌ن دانالىق»نى ئە‌كس ئە‌تتۈرىدۇ.‏ يە‌نى،‏ ئۆزلىرىنىڭ «پاك،‏ ئاندىن كېيىن تىنچلىقپە‌رۋە‌ر،‏ غە‌رە‌ز ئۇ‌قىدىغان،‏ ئىتائە‌ت قىلىشقا تە‌ييار،‏ رە‌ھىم-‏شە‌پقە‌ت ۋە ياخشى مېۋىلە‌رگە تولغان» كىشىلە‌ر ئىكە‌نلىكىنى كۆرسىتىدۇ (‏ياقۇ‌پ 3:‏17‏)‏.‏ ئۇ‌لار «ئۆزۈڭلارنى بۇ‌تلاردىن ساقلاڭلار»،‏—‏ دېگە‌ن بۇ‌يرۇ‌ققا بويسۇ‌نىدۇ ۋە ئىنسانلارنىڭ ئە‌نئە‌نىۋى ئۆرپ-‏ئادە‌تلىرى ۋە جىنكە‌شلىك قاتارلىق ناچار قىلمىشلاردىن يىراق تۇ‌رىدۇ‏.‏‏—‏ 1-‏يۇ‌ھاننا 5:‏21‏.‏

مۇ‌سا پە‌يغە‌مبە‌ر:‏ «خۇ‌دايىڭ يە‌ھۋانى پۈتۈن قە‌لبىڭ،‏ پۈتۈن جېنىڭ ۋە پۈتۈن كۈچۈڭ بىلە‌ن سۆيگىن»،‏—‏ دېگە‌ن (‏تە‌كرار قانۇ‌ن 6:‏5‏)‏.‏ پە‌قە‌ت ئىمان-‏ئېتىقادلىق كىشىلە‌رلا خۇ‌داغا شۇ‌نىڭدە‌ك سۆيگۈ-‏مۇ‌ھە‌ببە‌تنى ئىپادىلە‌يدۇ.‏ ئۇ‌لار خۇ‌دانىڭ يە‌ھۋا دېگە‌ن ئىسىمىنى ھۆرمە‌تلە‌يدۇ ۋە ئىشە‌نچ بىلە‌ن «يە‌ھۋاغا شۈكۈرلە‌ر ئېيتىپ،‏ ئۇ‌نىڭ ئىسىمىنى» چاقىرىدۇ (‏زە‌بۇ‌ر 105:‏1‏)‏.‏ ئۇ‌لار يە‌نە خۇ‌دانىڭ «باشقىلارنى ئۆزۈڭنى سۆيگە‌ندە‌ك سۆيگىن» دېگە‌ن بۇ‌يرۇ‌قىغا ئە‌مە‌ل قىلىدۇ (‏لاۋىيلار 19:‏18‏)‏.‏ زوراۋانلىق قىلىشتىن خالىي بولۇ‌پ،‏ «مۇ‌مكىن بولسا،‏ ئىمكانىيە‌تنىڭ بارىچە ھە‌ممە ئادە‌ملە‌ر بىلە‌ن تىنچ-‏ئىناق ئۆتۈڭلار» دېگە‌ن نە‌سىھە‌تكە قۇ‌لاق سالىدۇ (‏رىملىقلار 12:‏18‏)‏.‏ كۆچمە مە‌نىدە،‏ «ئۇ‌لار ئۆز قىلىچلىرىنى ساپان چىشلىرى،‏ نە‌يزىلىرىنى باغۋە‌ن پىچاقلىرى سوقىدۇ» (‏يە‌شايا 2:‏4‏)‏.‏ ئۇ‌لارنىڭ ئارىسىدا «سۆيگۈ» بولغاچ،‏ دۇ‌نيانىڭ ھە‌ممە جايلىرىدا خۇ‌شال-‏خۇ‌رام ياشايدۇ (‏يۇ‌ھاننا 13:‏35‏)‏.‏ ئۇ‌لارنىڭ قېرىنداشلىق رىشتىسى ھە‌قىقە‌تە‌ن چوڭقۇ‌ردۇ‌ر!‏ بۈگۈنكى كۈندە،‏ شۇ‌نىڭدە‌ك كىشىلە‌رنى قانداق پە‌رق قىلالايسىز؟‏