Зэмос христианъёс номырлы но, нокинлы но уг лэзё Иеговаен кусыпъёссэс сӧрыны. Тӥ но Иеговаен кусыпъёстэс утьыны тыршиськоды, дыр. Иегова туж дунъя тӥлесьтыд сыӵе мылкыддэс. (Лыдӟе 1 Паралипоменонэз 28:9.) Кыӵе учыръёсы секыт луэ Иеговалы оскымон кыльыны? Мар тӥледлы юрттоз?

1. Кызьы мукетъёсыз Иеговаен кусыпъёстэс сӧрыны туртто?

Куд-ог адямиос туж тыршо милесьтым Иеговаен кусыпъёсмес сӧрыны. Кинъёс со? Кылсярысь, со — зэмос йыбырттонлэсь палэнскемъёс. Сыӵе адямиос зэмлыкысь кошкизы но табере Иеговалэн организациез сярысь пӧяса верало. Озьы соос тыршо милесьтым осконмес быдтыны. Со сяна, ми сярысь юри пӧяса верало на зэмос луисьтэм религиысь куд-ог дышетӥсьёс. Соослэн потэ милемыз Иегова дорысь палэнтэмзы. Соослэн сьӧлтэтазы сюро соос, кинъёс уг чакласько но ваньмызлы оско. Туж кышкыт сыӵе адямиосын вераськыны, книгаоссэс лыдӟыны, сайтазы пыраны яке видеороликъёссэс учкыны. Соос сярысь, кинъёс зэмос христианъёслэсь осконзэс быдтыны тыршо, Иисус вераз: «Кельтэ соосыз, соос синтэмъёслэн синтэм валтӥсьёссы; нош синтэм валтэ ке синтэмез, соос кыксы ик гуэ усёзы» (Матфей 15:14).

2. Кызьы кутэм ужпумъёсмы возьмато, оскымонэсь-а ми Иеговалы, ӧвӧл-а?

Ми яратӥськомы Иеговаез, соин ик зэмос луисьтэм религиен кусып ум возиське. Ми ум ужаське сыӵе ужын, кудӥз зэмос луисьтэм религиен герӟаськемын. Озьы ик ми номыр но ум кариське, зэмос луисьтэм религилы юрттӥськон понна. Со сяна, ми тыршиськомы, милемыз номыр но медаз огазея шуыса организациосын, кудъёсыз зэмос луисьтэм религиен герӟаськемын. Иегова ӧте милемыз: «Мынам калыке, пот... [Быдӟым Вавилон] пушкысь» (Усьтӥськон 18:2, 4).

 МУРГЕС ЭСКЕРЕ

3. Чаклаське соослэсь, кинъёс Инмар сярысь пӧяса верало

Мар кароно, ми Иеговалэн организациез сярысь уродзэ кылӥськомы ке? Лыдӟе Мадёнъёсты 14:15 но та юанлы валэктон сётэ:

• Малы осконо ӧвӧл ваньмызлы, мае кылӥськомы?

Лыдӟе 2 Иоаннлэсь 9—11 но та юанъёслы валэктонъёс сётэ:

• Кызьы асьмеды возёно зэмос йыбырттонлэсь палэнскем адямиосын?

• Ми зэмос йыбырттонлэсь палэнскемъёсын ум вераськиське ке но, кытын ми соослэн дышетонъёсынызы пумиськыны быгатомы?

• Кельшоз-а Иеговалы, ми тодыны тыршимы ке сое, мар верало пӧяськисьёс Иегова сярысь но солэн организациез сярысь?

4. Иеговалы оскымон луэ, куке кенешысь кин ке сьӧлыка

Мар кароно, ми тодӥмы ке, кенешысь кин ке бадӟым сьӧлык лэсьтӥз шуыса? Учкомы, кыӵе возет вань Законын, кудзэ Инмар вашкала Израиль калыклы сётӥз. Лыдӟе Левитэз 5:1.

Та кылбур верамъя, ми тодӥмы ке, кин ке бадӟым сьӧлык лэсьтӥз шуыса, милемлы сое тӧроослы верано. Но солэсь азьло умой луоз мыныны сьӧлыкась доры но вераны солы, со ачиз тӧроос доры мед мыноз но ваньзэ соослы мед вералоз шуыса. Со ӧз ке кылзӥськы, милемлы асьмелы тӧроослы верано, малы ке шуоно милям Иеговалы оскымон луэммы потэ. Озьы лэсьтӥмы ке, кызьы со возьматоз:

• Иегова Инмарез яратэммес но солы оскымон луэммес;

• сьӧлыкам адямиез яратэммес но солы оскымон луэммес;

• кенешысь вын-агайёсты но сузэр-апайёсты яратэммес но соослы оскымон луэммес?

 5. Потэ Быдӟым Вавилон пушкысь

 ТОДЭ ВАЁН

Иеговалы оскымон луон понна, кусып воземысь дугдоно соин, кин милемыз сураны-пожаны турттэ.

Мае тон тодӥд?

• Малы зэмос йыбырттонлэсь палэнскемъёсты кылзоно ӧвӧл?

• Мар кароно, ми тодӥмы ке, агай яке сузэр бадӟым сьӧлык лэсьтӥз шуыса?

• Кызьы возьматоно, ми «Пот Быдӟым Вавилон пушкысь!» ӧтёнлэсь кылзӥськимы шуыса?