15-ТӤ УРОК
Кин со сыӵе Иисус Христос?
Котькуд адямилэн Иисус Христос сярысь кылэмез вань, дыр. Но тросэз адямиос, солэсь нимзэ сяна, со сярысь номыр но уг тодо. Адямиос пӧртэм сямен малпало, кин со сыӵе Иисус Христос. Нош мар вера Библия?
1. Кин со сыӵе Иисус Христос?
Иисус — кужмо кылчин. Со улэ отын ик, кытын Инмар улэ. Иисус вал нырысетӥез, кинэ Иегова Инмар кылдытӥз. Соин ик Библиын верамын: «Христос вань кылдытэм макеослэсь азьвыл вордскемын» (Колоссыослы 1:15). Озьы ик Библиын Иисус Инмарлэн «одӥг вордӥськем Пиез» шуыса нимамын, малы ке шуоно Иисусэз гинэ Инмар ачиз кылдытӥз (Иоанн 3:16). Ваньзэ мукетсэ кылдытыны Иеговалы юрттӥз Иисус. (Лыдӟе Мадёнъёсты 8:30.) Иисуслэн Иеговаен, аслаз Атаеныз, туж матысь кусыпъёсыз. Со Инмарлы оскымон ужа-тырше, Инмарлэсь иворъёссэ но курон-косонъёссэ мукетъёсызлы вераса. Соин ик Библиын Иисус «Кыл» шуыса нимамын (Иоанн 1:14).
2. Малы Иисус музъем вылэ лыктӥз?
Ог 2 000 ар талэсь азьло Иегова паймымон уж лэсьтӥз: аслаз святой духеныз со Иисуслэсь улонзэ Мария нимо егит ныллэн пушказ пыртӥз. Озьы Мария секытэн луиз. Со паймымон ужлы луыса, Иисус адями кадь вордӥськиз. (Лыдӟе Лукалэсь 1:34, 35.) Иисус музъем вылэ лыктӥз, адямиосты утён понна но Мессия, яке Христос, луон понна, кудӥз сярысь Библиын верамын вал a. Библиысь Мессия сярысь вань азьпалзэ ивортонъёс Иисус вылын быдэсмизы. Озьы адямиос валаны быгатӥзы, со — «Христос, Улэп Инмарлэн Пиез» шуыса (Матфей 16:16).
3. Кытын Иисус али?
Иисус музъем вылын кулэм бере Инмар сое улӟытӥз но, Иисус инме берытскиз. Отын «Инмар Сое ваньмызлэсь вылӥ кариз» (Филиппыослы 2:9). Табере Иисус туж кужмо кылчин. Иегова гинэ солэсь кужмогес.
МУРГЕС ЭСКЕРЕ
Тодэ, кин со сыӵе Иисус Христос но малы со сярысь тодон-валан басьтыны кулэ.
4. Иисус Инмар ӧвӧл
Библиын верамын ке но, Иисус — инмын кужмо кылчин шуыса, со кылзӥське аслаз Инмарезлэсь но Атаезлэсь, Иеговалэсь. Кытысь ми сое тодӥськомы? Учке ВИДЕОРОЛИКЕЗ но тодэ, кызьы Библия возьматэ, Иисус Инмар ӧвӧл шуыса.
Библиысь та кылбуръёс валаны юртто, маин пӧртэм луо Иисус но Иегова. Лыдӟе кылбуръёсты но юанъёслы валэктонъёс сётэ.
Лыдӟе Лукалэсь 1:30—32.
-
Мар вераз кылчин со сярысь, кин луэ Иисус Вылысь Инмарлы, Иеговалы?
Лыдӟе Матфейлэсь 3:16, 17.
-
Мар вераз инмысь куара, Иисус пылатӥськыку?
-
Кызьы тӥ малпаськоды, кинлэн вал со куараез?
Лыдӟе Иоаннлэсь 14:28.
-
Кин бадӟымгес но кин кужмогес — атай яке пи?
-
Иисус Иеговаез аслаз Атаеныз нимаз. Малы со милемыз дышетэ?
Лыдӟе Иоаннлэсь 12:49.
-
Малпа вал-а Иисус, со но Атаез — со одӥг шуыса? Нош тӥ кызьы малпаськоды?
5. Мар возьматэ, Иисус Мессия вал шуыса
Библиын трос азьпалзэ ивортонъёс гожтэмын, кудъёсыз адямиослы юрттыны кулэ вал Мессияез тодманы — сое, кинэ Инмар бырйиз адямиосты утьыны. Учке ВИДЕОРОЛИКЕЗ но тодэ, кыӵе азьпалзэ ивортонъёс Иисус вылын быдэсмизы.
Библиысь азьпалзэ ивортонъёсты лыдӟе но юанъёслы валэктонъёс сётэ.
Лыдӟе Михейлэсь 5:2 но тодэ, кытын вордӥськиз Мессия b.
-
Быдэсмиз-а та азьпалзэ ивортон Иисус вылын? (Матфей 2:1).
Лыдӟе Псалтирез 33:21 но Захариялэсь 12:10 но тросгес тодэ со сярысь, кызьы Мессия кулыны кулэ вал.
-
Быдэсмизы-а та азьпалзэ ивортонъёс? (Иоаннлэсь 19:33—37).
-
Быгатэ-а вал Иисус ачиз мар ке карыны, та азьпалзэ ивортонъёс мед быдэсмозы яке медаз быдэсме шуыса?
-
Кызьы тӥ малпаськоды, возьматэ-а со, Иисус — Мессия шуыса?
6. Иисус сярысь тодон-валан пайда вае
Библия возьматэ, туж кулэ шуыса тодон-валан басьтыны Иисус сярысь но со сярысь, мар возьма солэсь Инмар. Лыдӟе Иоаннлэсь 14:6 но 17:3, собере та юанлы валэктон сётэ:
-
Малы Иисус сярысь тодон-валан басьтыны кулэ?
Иисус Инмарен эшъяськон доры сюрес усьтӥз. Со Иегова сярысь зэмлыклы дышетӥз. Иисуслы луыса, ми пумтэм вапумъёс ӵоже улон басьтыны быгатӥськомы
КИН КЕ НО ВЕРАНЫ БЫГАТОЗ: «Иеговалэн Адӟись-Ивортӥсьёсыз Иисуслы уг оско».
-
Мар тӥ верасалды?
ТОДЭ ВАЁН
Иисус — кужмо кылчин. Со Инмарлэн Пиез но Мессия.
Мае тон тодӥд?
-
Малы Иисус сярысь верамын, со «вань кылдытэм макеослэсь азьвыл вордскемын» шуыса?
-
Мар каре вал Иисус музъем вылэ лыктэмезлэсь азьло?
-
Кытысь ми тодӥськомы, Иисус — со Мессия шуыса?
ТРОСГЕС ТОДЭ
Тросгес тодэ со сярысь, малы Иисус — со Мессия.
«Быдэсмизы-а Мессия сярысь азьпалзэ ивортонъёс Иисус Христос вылын?» (jw.org сайтысь статья)
Тодэ, мар вера Библия со сярысь, малы Иисус Инмарлэн Пиез шуыса нимамын.
«Малы Иисус Христос Инмарлэн Пиез шуыса нимамын? (jw.org сайтысь статья)
Дышетэ-а Библия, Инмар, Пи но святой дух — со одӥг шуыса?
«Иисус Христос — со Инмар-а?» («Возьмаськон башня», 2009-тӥ ар, 1-тӥ оштолэзь)
Тодэ, кызьы воштӥськиз улонэз одӥг кышномуртлэн, куке со тодыны кутскиз, мар вера Библия Иисус сярысь.
a 26-тӥ но 27-тӥ урокъёсын валэктэмын, малы адямиослы утись кулэ но кызьы Иисус асьмеды утиз.
b Учке 2-тӥ ватсам валэктонэз, кытын гожтэмын азьпалзэ ивортонъёс, кудъёсыз возьмато, ку Мессия лыктыны кулэ вал.
