Валатскид-а, кыӵе Эксэйлык сярысь вераськон мыноз?~ Зэм, Инмарлэн Эксэйлыкез сярысь, кудӥз Музъеммес райлы пӧрмытоз. Потэ-а тросгес тодэмед со Эксэйлык сярысь?~

Котькуд эксэйлыкын вань эксэй, кудӥз аслаз калыкеныз кивалтэ. Тодӥськод-а тон, кин Инмарлэн Эксэйлыказ Эксэй луэ?~ Со Иисус Христос. Со улэ инмын. Ӝоген со кивалтоз вань адямиосын, кудъёсыз музъем вылын уло! Кызьы тон малпаськод, луомы-а ми шудоесь, куке Иисус Эксэй луоз но быдэс музъемен кивалтоз?~

Веранэз ӧвӧл, ми туж шудоесь луомы! Райын адямиос уз ожмаське ни, соос ог-огзэс яратыса улозы. Нокин уз но висьы, уз но кулы ни. Синтэмъёслэн синзы усьтӥськоз, пельтэмъёслэн пельзы кылыны кутскоз. Нош соос, кинъёс ветлыны уг быгато, бызьылыны но, тэтчаны но быгатозы. Вань адямиослэн трос ческыт сиёнзы луоз. Пудо-животъёс тупаса улозы ог-огенызы но адямиосын. Соос, кинъёс кулӥзы, выльысь улозы. Тросэз адямиос, кудъёсыз сярысь тон та брошюраысь тодӥд, улӟыса султозы, кылсярысь, Реве́кка, Раа́в, Илия́ но  Дави́д. Потысал-а тынад соосты адӟемед?~

Иегова яратэ тонэ, но солэн потэ, тон шудо мед луод шуыса. Азьланяз но Иегова сярысь тодон-валан басьтӥд ке но солэсь кылзӥськид ке, тон паймымон райын пырак дауръёс ӵоже улыны быгатод! Потэ-а тынад отын улэмед?~