КИЧЭЭЛ 44
Бурганга шупту байырлалдар таарымчалыг бе?
Чуртталгавыска өөрүп, үе-үе болгаш байырлалдарны эрттиреривисти Иегова күзеп турар. Аңаа хамаарыштыр Ооң бодалы кандыгыл?
1. Иегова чамдык байырлалдарга таарзынмас. Чүге?
Чамдык байырлалдар Библияның өөредиинге дүүшпезин көргеш, кайгаар чадавас силер. Олар аза-бук-биле харылзаалыг азы өлүм чок сүнезин бар деп өөредигге үндезилеттинген. А бир чамдыктары бүдүүлүк чорук болгаш салым-чолга бүзүрел-биле тудуш (Исайя 65:11). Иегова Бодунуң чонунга: «Аңгыланып алыңар... арыг эвес чүүлге дегбеңер» дээн (2 Коринфичилерге 6:17) a.
2. Кижилерни алдаржыдар байырлалдарга Иегованың көрүжү кандыг?
«Кижиге идегээри» айыылдыг деп, Иегова оваарындырып турар. (Номчуптуңар: Иеремия 17:5.) Чамдык байырлалдар чазак баштыңнарын, дайын чедиишкиннерин, күрүнени болгаш чедип алган хосталгазын алдаржыдар (1 Иоанн 5:21). А өскелерин политиктиг азы социал шимчээшкиннерге тураскааткан боор. Бир эвес бис Иегованың күзел-соруунга дүүшпес бодалдарны, бир-ле кижини азы организацияны алдаржыдып турар болзувусса, Ол чүнү миннир?
3. Байырлалды чүү үреп болур?
Бижилге арага-дарылап, эмин эрттир хөглеп-дойлаарындан кичээндирип турар (1 Пётр 4:3). Кижилер байырлалдарга чамдыкта сула чаңнап, мөзү-шынарын чидирип алыр. Иегова-биле найыралывысты үнелээр дизивиссе, бужар чүүлдерден дезер ужурлуг бис.
ХАНЫ ШИНЧИЛЕҢЕР
Байырлалдарга хамаарыштыр Иегованы өөртүр шиитпирлерни канчаар хүлээп алырын көрүптээлиңер.
4. Иегованы куду көрүп турар байырлалдарга киришпеңер
Эфесчилерге 5:10-ну номчааш, харыылаптыңар:
-
Байырлалды демдеглээр-демдеглевезин шиитпирлээринге чүү дузалаар?
-
Силерниң чуртуңарда кандыг байырлалдар бар?
-
Ол байырлалдар Иеговага тааржыр бе?
Чижээ, төрүттүнген хүн байырлаарынга Бурганның көрүжү кандыгыл? Ону Иеговага чүдүвейн чораан ийи кижиниң төрүттүнген хүнүн демдеглээн төөгүден көрүп болур. Эге дөс 40:20—22 биле Матфей 14:6—10-ну номчааш, харыылаптыңар:
-
Ол ийи төрүттүнген хүн байырлалында ниити чүү бар?
-
Бо ийи төөгүден алырга, төрүттүнген хүн байырлаарынга Иегованың хамаарылгазы кандыг?
«Төрүттүнген хүн азы өске-даа байырлалга мээң киржилгем Иеговага ындыг-ла чугула бе?» — деп бодаар чадавас силер. Хосталыышкын 32:1—8-ти номчуптуңар. Оон ВИДЕОНУ көргеш, айтырыгларга харыылаптыңар:
-
Кандыг-бир байырлалга Иегованың хамаарылгазын билип алыры чүге чугула?
-
Ооң үзел-бодалын канчаар билип алырыл?
Байырлалдарга хамаарыштыр Бурганның көрүжүн канчаар билип ап болурул?
-
Байырлал библейжи өөредиглерге дүгжүп турар бе? Ооң тыптып келген төөгүзүн шинчилеп көрүңер.
-
Байырлал кандыг-бир кижини, күрүнени, ооң тугун алдаржыдып турар бе? Эң улуг алдар-хүндүге чүгле Иегова төлептиг, чүгле Ол кижи-төрелгетенниң бергелерин шиитпирлеп шыдаар.
-
Байырлалдың сагыыр чаңчылы библейжи негелделер-биле дүгжүп турар бе? Биске арыг мөзү-шынарлыг болуп артары чугула.
5. Көрүжүңнү хүндүткелдии-биле тайылбырлап бер
Иеговага таарышпас байырлалга киржиринче албадай бээрге, ойталаары ындыг-ла белен эвес. Шиитпириңерни эвилең-ээлдек, шыдамыккай тайылбырлап бериңер. Бир чижекти ВИДЕОДАН көрүңер.
Матфей 7:12-ни номчааш, харыылаптыңар:
-
Бо шүлүктен алырга, Иегованың Херечизи эвес төрелдерге кандыг-бир байырлалды демдеглевеңер деп болур бе?
-
Кандыг-бир байырлалды демдеглевес-даа болзуңарза, чоок улузуңарга ынакшылды, хүндүткелди канчаар көргүзүп болур силер?
6. Иегова бисти аас-кежиктиг болзун деп күзээр
Үевисти чоок улузувус база эш-өөрүвүс-биле хөглүг эрттиреривисти Иегова күзеп турар. Экклесиаст 8:15-ти номчааш, харыылаптыңар:
-
Иегова бисти аас-кежиктиг болзун деп күзеп турары бо шүлүктен канчаар көскү?
Иегова Бодунуң бараалгакчыларын чуртталгазындан өөрүшкүнү ап, үени хөглүг эрттирерин күзеп турары делегей чергелиг шуулганнарывыстан көскү. ВИДЕОДАН бадыткалдарны көрүңер.
Галатчыларга 6:10-ну номчааш, харыылаптыңар:
-
Чүгле байырлалдарда экини күзеп, белек сунуп болур бе?
-
Силерге чаңчыл аайы-биле азы сеткилинден бээр белектиң кайызы өөрүнчүг?
-
Иегованың Херечилери кандыг-даа үеде байырлалдар кылып, ажы-төлүнге янзы-бүрү белектерни берип турар. Ажы-төлүңерге кандыг онзагай белек кылып болурун боданыңар.
ЧАМДЫК УЛУС МЫНЧА ДЭЭР: «Байырлалдың ужур-утказын-даа канчаар. Кол-ла чүве төрелдер, эш-өөр-биле ужуражыры».
-
Аңаа чүү деп харыылаар силер?
КОЛ БОДАЛ
Чоок улузувус, эш-өөрүвүс-биле үени өөрүшкүлүг эрттиреривисти Иегова күзээр. Ынчалза-даа Ону хомудадыр байырлалдарга киржиривисти күзевес.
Катаптаашкын
-
Иегованың байырлалдарга хамаарылгазын кандыг айтырыглар-биле тодарадып болур?
-
Байырлалдарга хамаарылгавысты канчаар тайылбырлап болурул?
-
Иегова бисти үени эки эрттирзин деп, күзеп турарын кайыын билип ап болурул?
НЕМЕЛДЕ
Ёзулуг христианнар кандыг байырлалдарны демдеглевейн турарын номчуп көрүңер.
«Иегованың Херечилери чамдык байырлалдарны чүге демдеглевезил?» (веб-статья)
Төрүттүнген хүннер эрттирери чүге Бурганга таарышпазының дөрт чылдагаанын номчуп көрүңер.
«Иегованың Херечилери чүге төрүттүнген хүн эрттирбес?» (веб-статья)
Иеговага ынак уруглар байырлалдар үезинде ону канчаар өөртүп турарын көрүңер.
Христианнар Рождествону чүге байырлавайн турарыл?
«Олар эң дээре шилилге кылган» («Таңныыл суургазы» декабрь 1, 2012 чыл)
a Немелде материалдың 5 дугаарында байырлалдарга хамаарыштыр сүмелерни көрүңер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
