2. Аш-чут

«Аш-чут болур» (МАРК 13:8).

● Чурттуң төп черинден Кваратаги (Нигер) деп суурже бир эр кижи аш-чуттан дезип келген. Ынаар ооң төрелдери болгаш кады төрээн ха-дуңмазы база келген. Ынчалза-даа ол оларның-биле аралашпас. Чүге? «Ол өг-бүлезин ашкарып-чемгерип шыдавас болгаш оларның карактарынче көөрүнден ыядыр» деп, суурнуң баштыңы Сиди чугаалаан.

ФАКТЫЛАР ЧҮНҮ ЧУГААЛАП ТУРАР? Делегейде чеди дугаар кижи бүрүзү-ле аштап турар. Сахараның мурнуу талазында чурттарда байдал оон-даа берге. Ында үш дугаар кижи бүрүзү-ле аштап турар. А херек кырында ол саннар чүнүң дугайында чугаалап турар? Үш кежигүннүг өг-бүлени сагыштаалап көрүңерем. Чем чүгле ийи кижиге чедер болза, кым аштап артып каар: ачазы бе, авазы бе, төлү бе? Ол айтырыг дыка хөй өг-бүлелерниң мурнунда хүннүң-не тургустунуп турар.

УДУР САНАЛ. Чер далган-тарааны чедер кылдыр берип турар. Ону чүгле шын үлээри чугула.

ШЫНАП-ЛА ЫНДЫГ БЕ? Ийе, амгы үеде аъш-чем кажангызындан-даа артык хөй. Чагырыкчылар аш-чутту соксадыр дээш чемни шын үлеп өөренип алыр ужурлуг. Ынчалза-даа он-он чылдар эртсе-даа оларның күжениишкиннери чедиишкин чок.

ЧҮҮ ДЕП БОДААР СИЛЕР? Марк 13:8-те сөстер амгы үеде күүсеттинип турар бе? Технологиялар чеже-даа сайзырап турза, бүгү делегейде аш-чут айтырыы ам-даа шиитпирлеттинмээн эвес-тир бе?

Аш-чут болгаш чер шимчээшкиннери сөөлгү хүннерниң база бир демдээ болур хай-халаптарга чедирип турар. Ону дараазында статьяга көөр бис.

[Киирилде немелде]

«Аъш-чем чедер турган болза, пневмония, диареядан болгаш өске-даа аарыгдан аарааш чок апарган ажы-төлдүң үштүң бир кезиин камгалап ап болур турган» (ЭНН ВИНИМАН, ЮНИСЕФТИҢ МООҢ МУРНУНДА ТУРГАНЫ КҮҮСЕДИКЧИ ДИРЕКТОРУ).

[Чурукка хамаарышкан информация]

© Paul Lowe/Panos Pictures