E mirioni te pohe ra i te mau matahiti atoa no te veve rahi. Aita e navai ra ta ratou maa e aita e moni no te rapaau i te maˈi. Noa ˈtu e feia taoˈa rahi te vai ra na te ao, te ora ra te rahiraa i roto i te veve mau. Te faaite ra te Bibilia, mai te tau mai â, ua riro noa te veve ei fifi no te taata.—A taio i te Ioane 12:8.

No te faaore i te veve, e titauhia ia haamau hoê faatereraa o te nehenehe e opere ma te tia i te mau faufaa o te ao taatoa nei. Ia faaore atoa tera faatereraa i te mau tamaˈi, tera hoi te tahi tumu rahi o te veve. Ua fafau te Atua i tera huru faatereraa.—A taio i te Daniela 2:44.

Ua maiti te Atua i ta ˈna Tamaiti, Iesu, no te faatere i te taata atoa. (Salamo 2:4-8) E faaora mai Iesu i te feia veve e e faaore atoa i te haavîraa e te ino.—A taio i te Salamo 72:8, 12-14.

Mai tei tohuhia, e tupu te hau i nia i te fenua nei e eita te taata e mǎtaˈu faahou maoti te “Arii no te hau” ra o Iesu. E ora te taatoaraa i roto i to ratou iho fare, e oaoa i te rave i te ohipa mauruuru mau e e fanaˈo i te maa rahi.—A taio i te Isaia 9:6, 7; 65:21-23.