Apooraa Matahiti 7 no Atopa 2000

E TUPU TE APOORAA MATAHITI a te mau melo o te Watch Tower Bible and Tract Society of Pennsylvania i te 7 no Atopa 2000, i te Fare Tairururaa a te mau Ite no Iehova, 2932 Kennedy Boulevard, Jersey City, New Jersey. E tupu te hoê apooraa faaineineraa na te mau melo anaˈe i te hora 9 mairi 15 minuti i te poipoi, e i muri iho, e haamata te apooraa matahiti i te hora 10.

E tia i te mau melo o te Taatiraa ia faaara ˈtu i te Piha ohipa a te Papai parau i teie nei mai te peu noa ˈtu e ua taui to ratou vahi nohoraa i te matahiti i mairi aˈenei ia nehenehe te mau rata faaararaa e te mau parau homana e faataehia ˈtu i te roaraa o te avaˈe Tiurai.

E tia ia faahoˈi atu i te mau parau homana e faataehia ˈtu i te mau melo apitihia ˈtu i te parau faaararaa no te apooraa matahiti, i te Piha ohipa a te Papai parau a te Taiete eiaha ia mairi atu i te 1 no Atete. E tia i te melo taitahi ia faaî e ia faahoˈi oioi atu i ta ˈna parau homana, ma te haapapu e e tae tino mai anei râ oia i te apooraa aore ra eita. E tia ia haapapu maitai i te faaotiraa i papaihia i nia i te mau parau homana atoa, no te mea ia au i teie parau e faataahia ˈi o vai te feia e tae tino mai.

Te manaˈohia ra e e hope te rururaa taatoa, e tae noa ˈtu te apooraa ohipa e te mau tabula, i te hora 1 i te avatea aore ra i muri noa ˈˈe. Aita e putuputuraa i te avatea. No te iti o te mau parahiraa, e farii-noa-hia te feia e titeti ta ratou. Aita te tahi faanahoraa i ravehia no te taai atu i teie apooraa matahiti na roto i te reni niuniu e te tahi atu mau piha tairururaa.