Maseli 24:1-34
24 Eiaha e faahinaaro i te feia ino,Eiaha e nounou i te amuimui atu ia ratou,+
2 O te haavîraa uˈana hoi ta to ratou aau e feruriruri,E e ati ta to ratou utu e faahiti.
3 I te paari e hamanihia ˈi te fare,*+E i te haroˈaroˈa e haapapuhia ˈi te reira.
4 I te ite e î ai to ˈna mau pihaI te mau taoˈa faufaa e te au mau ua rau te huru.+
5 Mea puai te taata feruriraa paari,+E i te ite e rahi ai te puai o te hoê taata.
6 A aro i ta oe tamaˈi ma te aravihi ia aratai,*+E mea rahi anaˈe te taata aˈo, e manuïa te ohipa.*+
7 Eita e noaa i te maamaa te paari mau.+Aita ta ˈna e parau i te uputa o te oire.
8 Te taata opuaraa ino,E parauhia e aito no te manaˈo ino.+
9 E hara te mau opuaraa maamaa,*E haehia te taata faaooo.+
10 Ia toaruaru oe i te mahana ahoaho,*E iti to oe puai.
11 A faaora i te feia e hopoihia ra i te pohe,E a tapea mai i te feia e haere ra i te tupairaa ma te peretete.+
12 Mai te peu e parau oe: “Aita hoi matou i ite,”
Aita anei Tei hiˈopoa i te aau* i ite i to oe mau manaˈo?+
Oia mau, e ite Tei hiˈo ia oe* i te reiraE e faahoˈi oia i ta te taata tataitahi ia au i ta ˈna ohipa.+
13 Ta ˈu tamaiti, a amu i te meri, mea maitai hoi.Mea monamona te topata meri.
14 Oia atoa, ia ite mai oe mea maitai te paari no oe.*+
Ia ite mai oe i te reira, e oraraa maitai to oe a muri aˈeE eita to oe tiaturiraa e faaorehia.+
15 Eiaha e tamoemoe i pihai iho i te fare o te taata parau-tia no to oe ino.Eiaha e vavahi i to ˈna vahi faaearaa.
16 E nehenehe hoi te taata parau-tia e topa e hitu taime, e e tia faahou mai oia,+E turori râ te taata ino no te ati.+
17 Ia topa to oe enemi, eiaha e oaoa,Ia turori oia, eiaha to oe aau ia oaoa.+
18 Aita anaˈe, e ite mai Iehova e eita oia e mauruuru,E e fariu ê oia i to ˈna riri ia ˈna.*+
19 Eiaha oe ia riri* no te feia ohipa ino.Eiaha e faahinaaro i te feia ino,
20 Aita hoi e a muri aˈe to te taata ohipa ino.+E tinaihia te mori a te feia ino.+
21 Ta ˈu tamaiti, a mǎtaˈu ia Iehova e i te arii.+
E eiaha e amuimui i te feia orure hau,*+
22 E tupu taue hoi to ratou ati.+
O vai hoi tei ite eaha te ati ta raua* e faatae i nia ia ratou?+
23 Na te feia feruriraa paari atoa teie mau parau:
E ere mea maitai ia haava ma te maitiiti i te taata.+
24 Tei parau i te taata ino: “E taata parau-tia oe,”+
E faainohia ïa e e faahapahia e te mau nunaa.
25 E maitai râ te oraraa o te feia o te tamaˈi ia ˈna.+E hamani-maitai-hia ratou i te haamaitairaa.+
26 E apahia te utu o te taata o te pahono ma te afaro.*+
27 A faaineine i ta oe ohipa no rapae, e a faaineine maitai i te tuhaa fenua.I reira oe e patu ai i to oe fare.*
28 Eiaha e riro ei ite no te pari i to oe taata tupu aita anaˈe ta oe e haapapuraa.+
Eiaha e faaohipa i to oe utu no te haavarevare ia vetahi ê.+
29 Eiaha e parau: “Mai ta ˈna i rave ia ˈu, e na reira atoa vau ia ˈna.E faahoˈi au i ta ˈna no ta ˈna i rave.”*+
30 I haere na vau na pihai iho i te faaapu a te taata faatau,+Na pihai iho i te faaapu vine a te taata e ere ra i te haroˈaroˈa.*
31 Ua ite atu vau e ua î i te aihere.Ua poˈi te fenua i te aihere taratara,E ua marua te aua ofai.+
32 Ua hiˈopoa vau i te reira e ua feruriruri au i roto i to ˈu aau.Ua ite atu vau e teie ta ˈu i haapii mai:*
33 Maa taoto iti, maa varea taoto iti,Maa opiraa iti i te rima no te faafaaea,
34 I reira ïa to oe veve e tae mai ai mai te eiâ,E to oe ereraa mai te hoê taata e mauhaa ta ˈna.+
Nota i raro i te api
^ Aore ra “e haamauhia ˈi te tahi utuafare.”
^ Aore ra “aratairaa paari.”
^ Aore ra “e ora ïa.”
^ Aore ra “te mau opuaraa a te maamaa.”
^ Aore ra “te taime ati.”
^ Aore ra “te mau manaˈo turai.”
^ Oia hoi te enemi.
^ Aore ra “ura i te riri.”
^ Aore ra “te feia e hinaaro ra i te tahi tauiraa.”
^ Oia hoi Iehova raua te arii.
^ Huri-atoa-hia “Te pahono-roa-raa ˈtu, mai te aparaa ˈtu ïa.”
^ Aore ra “e haamau ai i to oe utuafare.”
^ Aore ra “mai ta ˈna i rave.”
^ Heb: “te aau.”
^ Heb: “ua farii au i te aˈo.”
