Ieremia 2:1-37
2 Tae maira te parau a Iehova ia ˈu e na ô ra:
2 “A haere e faaite i to Ierusalema: ‘Teie ta Iehova e parau ra:
“Te haamanaˈo maitai ra vau i to oe here taiva ore ia ˈu i to oe apîraa ra,+Te here ta oe i faaite mai i to oe momoˈaraahia ia ˈu,+To oe peeraa ia ˈu i roto i te medebara,I te hoê fenua tei ore i ueuehia i te huero.+
3 I moˈa na Iseraela no Iehova,+ o te mau hotu matamua o ta ˈna ootiraa.”’
‘Te taata atoa o te amu haapau ia ˈna, ua hara ïa.
E roohia ratou i te ati,’ te parau ra Iehova.+
4 A faaroo i te parau a Iehova, e te huaai o Iakoba,E outou pauroa te opu fetii o te nunaa o Iseraela.
5 Teie ta Iehova e parau ra:
“Eaha ta to outou mau tupuna faahaparaa ia ˈu,+I faaatea ê roa ˈi ratou ia ˈu,A haere atu ai na muri i te mau idolo faufaa ore+ a riro atoa ˈtu ai ratou ei mea faufaa ore?+
6 Aita ratou i ui: ‘Teihea o Iehova,Tei faahaere mai ia tatou i rapae i te fenua o Aiphiti,+Tei aratai ia tatou na roto i te medebara,E fenua pâpâmǎrô+ e te apoopoo,E fenua paˈurâ+ e te marumaru rahi,*E fenua aita e taata e ratere na reiraE e parahi i reira?’
7 Faahaere maira vau ia outou i te hoê fenua mea rahi te faaapu maa hotu,+No te amu i to ˈna mau hotu e ta ˈna mau maa maitai.Haere maira râ outou e haaviivii aˈera i to ˈu fenua.
Ua faariro outou i ta ˈu tuhaa ei mea hairiiri.+
8 Aita te mau tahuˈa i ui: ‘Teihea o Iehova?’+
Aita te feia e haapii atu i te Ture i ite o vai au,Ua orure hau te mau tiai mamoe ia ˈu,+Ua tohu te mau peropheta i te iˈoa o Baala,+E ua pee i te mau atua eita ratou e apîhia.
9 ‘E faahapa â ïa vau ia outou,’+ te parau ra Iehova,‘E e faahapa â vau i te mau tamarii a ta oe mau tamarii.’
10 ‘Tera râ, a fano atu i te mau fenua na te hiti miti* o to Kitima+ e a hiˈo.
Oia mau, a tono i te tahi taata i Kedara+ e a feruri maitai.A hiˈo ua tupu aˈena anei te tahi mea mai tera.
11 Ua taui aˈena anei te hoê nunaa i to ˈna mau atua no te tahi mea e ere i te atua?
Ua taui râ to ˈu iho nunaa i to ˈu hanahana no te tahi mea faufaa ore.+
12 A hiˈo maere atu, e te raˈi e.Ia rûrû oe no te haafaufau,’ te parau ra Iehova,
13 ‘No te mea e piti ohipa ino ta to ˈu nunaa i rave:
Ua faarue ratou ia ˈu, te puna o te pape ora,+E ua ô* no ratou iho i te mau apoo pape,E apoo pape parari, eita te pape e mau i roto.’
14 ‘E tavini anei Iseraela aore ra e tîtî tei fanauhia i roto i te fare o to ˈna fatu?
Eaha ïa ta ˈna mau taoˈa i haruhia ˈi?
15 E uuru te mau liona apî ia ˈna.+Ua faauˈana ratou i ta ratou uururaa.
Ua faariro ratou i to ˈna fenua ei riariaraa.
Ua taninahia to ˈna mau oire, e aita faahou e taata i reira.
16 E amu te mau taata o Nopha+ e Tehaphanehesa+ i to nia i to oe upoo.
17 E ere anei na oe iho â i imi i te reiraI te faarueraa oe ia Iehova to oe Atua+A aratai ai oia ia oe na te eˈa?
18 I teie nei, eaha oe e imi ai i te eˈa e tae atu ai i Aiphiti+No te inu i te pape o Sihora?*
Eaha oe e imi ai i te eˈa e tae atu ai i Asura+No te inu i te pape o te Anavai?*
19 Na to oe ino e faaafaro ia oeE na to oe taiva e tamaˈi ia oe.
Ia ite e ia taa ia oe te rahi o te ino e te hepohepo+Ia faarue ia Iehova to oe Atua.Aita oe i mǎtaˈu ia ˈu,’+ te parau ra te Arii hau ê e Fatu ra o Iehova o te mau nuu.*
20 ‘Mea maoro aˈenei hoi ua vavahi au i ta oe zugo+E ua ofati au i to oe mau fifi auri.
Ua parau râ oe: “Eita vau e tavini ia oe,”
I nia hoi i te mau aivi teitei atoa e i raro aˈe i te mau tumu raau ruperupe atoa,+Ua tarava oe a taiata ˈtu ai.+
21 Ua tanu vau ia oe ei vine uteute maitai,+ no roto i te tahi huero maitai.Mea nafea ïa to oe riroraa ei amaa apî ino no te hoê tumu vine ê i mua ia ˈu?’+
22 ‘Noa ˈtu e horoi oe ia oe i te nitera e e faarahi oe i te puˈa,E riro noa â ta oe hapa ei tafetafeta i mua ia ˈu,’+ te parau ra te Arii hau ê e Fatu ra o Iehova.
23 E nafea oe e nehenehe ai e parau: ‘Aita vau i haaviivii ia ˈu.
Aita vau i pee i te mau Baala’?
A hiˈo i to oe haerea i te peho.
A feruri i ta oe i rave.
E au oe i te tahi kamela ufa apî vitivitiO te horo hanoa ra,
24 I te tahi asini oviri tei matau i te medebara,O te hauˈa i te mataˈi a hinaaro ai i te paˈe.
O vai te nehenehe e haavî ia ˈna a tupu ai to ˈna hinaaro?
Eita tei imi ra ia ˈna e rohirohi.
Ia tae i to ˈna tau* e itehia mai oia e ratou.
25 A faaea hou oe a haere ai ma te tiaa oreE a mǎrô roa ˈi to oe arapoa no te poihâ.
Ua parau râ oe: ‘Aita e faufaa!+
Mea here na ˈu te mau atua ěê,+E e pee au ia ratou.’+
26 Mai te tahi taata eiâ o te haama ia noaahia oia,Mai tera atoa te nunaa o Iseraela i te faahaamaraahia,Ratou, to ratou mau arii e to ratou huiarii,To ratou mau tahuˈa e to ratou mau peropheta.+
27 E parau ratou i te hoê tumu raau: ‘O oe to ˈu metua tane,’+
E i te hoê ofai: ‘Na oe i fanau ia ˈu.’
Ua huri tua mai râ ratou ia ˈu, aita i fariu mai.+
E ia roohia ratou i te ati e parau ratou:‘A tia e a faaora ia matou!’+
28 Teihea ˈtura ïa to oe mau atua ta oe i hamani no oe?+
Ia tia ratou mai te peu e nehenehe ta ratou e faaora ia oe a roohia ˈi oe i te ati,Te rahiraa hoi o to oe mau atua, e Iuda, mai te rahiraa ïa o to oe mau oire.+
29 ‘Eaha outou e faahapa noa ˈi ia ˈu?
Eaha outou pauroa i orure hau ai ia ˈu?’+ te parau ra Iehova.
30 Ua tairi au i ta oe mau tamarii, ua mâuˈa râ.+
Aita ratou i farii i te aˈo.+Na ta outou iho mau ˈoˈe i haapohe i ta outou mau peropheta,+Mai te hoê liona e imi ra i te animara e amu.
31 E tera uˈi, a feruriruri i te parau a Iehova.
Ua riro anei au ei medebara no IseraelaAore ra ei fenua poiri ahoaho?
Eaha tera mau taata, to ˈu nunaa, i parau ai: ‘Te overe noa nei matou.
Eita matou e haere faahou ia oe ra’?+
32 E moˈe anei i te hoê vahine apî* ta ˈna mau taoˈa faaunauna,I te hoê vahine faaipoipo-apî-hia to ˈna hatua ouma?*
E inaha, ua haamoˈe to ˈu iho nunaa ia ˈu e rave rahi mahana i teie nei.+
33 Mea aravihi mau â oe, e tera vahine, no te imi i te here!
Ua haamatau oe ia oe i te haerea o te ino.+
34 Te raroraa atoa o to oe mau ahu roa tei tafetafeta i te toto o te feia riirii hara ore,+Aita hoi au i ite i to oe fare i te tomoraahia e ratou.Ua î te raroraa o to oe mau ahu i te reira.+
35 E parau râ oe: ‘Aita ta ˈu e hapa.
Ua fariu ê iho â ïa to ˈna riri ia ˈu.’
I teie nei te faautua nei au ia oeNo te mea te parau ra oe: ‘Aita vau i hara.’
36 Eaha oe e manaˈo ai e ere i te mea ino to oe huru taiva?
E haama atoa oe ia Aiphiti,+Mai ia oe i haama ia Asura.+
37 No reira atoa oe e reva ˈtu ai ma to oe rima i nia i to oe upoo,+Ua faarue hoi Iehova i te feia ta oe i tiaturi.Eita oe e manuïa ia ratou.”
Nota i raro i te api
^ Aore ra “maru pohe.”
^ Aore ra “te mau motu.”
^ Aore ra “pao,” eita e ore i roto i te mato.
^ Oia hoi e maaraa o Nile.
^ Oia hoi Eupharate.
^ Aore ra “sabaota.”
^ Heb: “avaˈe.”
^ Heb: “aita i taoto aˈenei i te tane.”
^ Aore ra “hatua faaipoiporaa?”
