Deuteronomi 33:1-29
33 Teie hoi te haamaitairaa ta Mose te taata o te Atua mau i faahiti i nia i te ati Iseraela hou to ˈna poheraa.+
2 Ua parau oia:
“Iehova, na Sinai mai ïa to ˈna haereraa mai,+E ua anaana maira oia i nia ia ratou na Seira mai.
Anaana roa maira oia ma te hanahana na te tuhaa fenua mouˈa mai o Parana,+E e ahuru tausani melahi moˈa na muri ia ˈna,+Tei to ˈna rima atau ta ˈna mau aito.+
3 I here na oia i to ˈna nunaa.+To roto pauroa te taata moˈa o te nunaa i to rima.+
Te parahi ra ratou i to oe pae avae.+Te faaroo ra ratou i ta oe mau parau.+
4 (Ua horoa mai Mose ia tatou i te hoê faaueraa, te hoê ture,+Ei tuhaa na te amuiraa o Iakoba.)+
5 Riro maira Oia ei arii i Iesuruna,*+I te amuiraa te mau raatira o te nunaa,+Oia atoa te mau opu atoa o Iseraela.+
6 Ia ora Reubena e eiaha ia pohe,+E eiaha to ˈna mau taata ia iti mai.”+
7 Faahiti atura oia i teie haamaitairaa i nia ia Iuda:+
“A faaroo na, e Iehova, i te reo o Iuda,+E a faahoˈi mai ia ˈna ra i to ˈna nunaa.
Ua paruru to ˈna rima i* ta ˈna faufaa.A tauturu ia ˈna ia aro i to ˈna mau enemi.”+
8 Na ô atura oia no Levi:+
“To* Tumima e to Urima,+ na te taata taiva ore ïa ia oe,+Ta oe i tamata i Mâsa.+
Ua mârô oe ia ˈna i te pape i Meriba,+
9 Te taata tei parau no to ˈna metua tane e to ˈna metua vahine: ‘Aita vau i haapao ia raua.’
To ˈna atoa mau taeae, aita oia i ite o ratou tera,+E aita oia i tâuˈa i ta ˈna iho mau tamarii.
Ua auraro hoi oia i ta oe parau,E ua haapao oia i ta oe faufaa.+
10 E haapii oia ia Iakoba i ta oe mau faaotiraa haavaraa+E ia Iseraela i ta oe Ture.+
E pûpû oia i te mea noˈanoˈa ei mea hauˈa noˈanoˈa au maitai no oe*+E te tahi tusia taatoa i nia i to fata.+
11 A haamaitai na, e Iehova, i to ˈna puai,E a faaite i to mauruuru i te ohipa a to ˈna rima.
A haaperehu i te avae* o te feia e tia mai no te aro ia ˈna,Ia ore hoi te feia e hae ra ia ˈna e tia faahou mai.”
12 Na ô atura oia no Beniamina:+
“Ia parahi tei herehia e Iehova ma te taiâ ore i pihai iho ia ˈna.A paruru ai oia ia ˈna mai te hoê tamaru i te mahana taatoa,E parahi oia i ropu i to ˈna na tapono.”
13 Na ô atura oia no Iosepha:+
“Ia haamaitaihia to ˈna fenua e Iehova+I te mau mea maitai roa o te raˈi,I te hupe e te mau pape pihaa i raro,+
14 I te mau mea maitai roa ta te mahana i faatupu maiE te maa maitai roa pauroa te avaˈe,+
15 I te mau mea maitai roa ˈˈe no nia mai i te mau mouˈa i tahito ra*+E te mau mea maitai roa o te mau aivi o te ore roa e mou,
16 I te mau mea maitai roa o te fenua e to nia iho,+E i te farii maitai a Tei fa mai i ropu i te raau taratara.+
Ia tae mai te reira i nia i te upoo o Iosepha,I nia i te tupuai upoo o tei faataa-ê-hia i to ˈna mau taeae.+
17 E au to ˈna unauna i to te hoê fanauˈa puaatoro oni matamua,E to ˈna na tara, na tara ïa o te hoê puaatoro oni oviri.
I te reira e turai* ai oia i te mau nunaaRatou pauroa tae roa i te hopea o te fenua.
O taua na tara ra na ahuru tausani o Epheraima,+E o taua na tara ra na tausani o Manase.”
18 Na ô atura oia no Zebuluna:+
“A oaoa, e Zebuluna, i to oe mau tere,E oe, Isakara, i roto i to mau fare ie.+
19 E titau raua i te mau nunaa i nia i te mouˈa.
I reira ratou e pûpû ai i te tusia o te parau-tia.
E rave mai hoi raua i te faufaa rahi mau* o te moanaE te mau taoˈa hunahia o te one.”
20 Na ô atura oia no Gada:+
“Ia haamaitaihia tei faaaano i te mau otia fenua o Gada.+
E tarava oia i reira mai te hoê liona,Tei ineine i te hahae i te rima, oia mau, te upoo atoa.
21 E maiti oia i te tâpû fenua maitai roa ˈˈe no ˈna iho,+E tuhaa hoi te reira ta te hoê iriti ture i faataa no ˈna.+
E amui te mau raatira o te nunaa.
E faatupu oia i te parau-tia a Iehova,E ta ˈna mau faaotiraa haavaraa no Iseraela.”
22 Na ô atura oia no Dana:+
“E fanauˈa liona o Dana.+
E ouˈa mai oia na Basana mai.”+
23 Na ô atura oia no Naphatali:+
“E mauruuru Naphatali i ta Iehova farii maitaiE e î oia i ta ˈna haamaitairaa.
A fatu i te pae tooa o te râ e te pae apatoa.”
24 Na ô atura oia no Asera:+
“Ia haamaitaihia Asera i te tamarii.
Ia fariihia oia e to ˈna mau taeae,E ia tutau* oia i to ˈna avae i roto i te hinu.
25 E auri e te veo no te ponao i to mau uputa,+E e parahi hau noa oe pauroa te mahana o to oraraa.*
26 Aita hoê aˈe mai te Atua mau+ o Iesuruna,+O te haere mai na roto i te raˈi e tauturu ia oeE o te na nia iho mai i te mau ata ma to ˈna mana arii.+
27 E haapuraa te Atua mai tahito mai â,+To raro aˈe ia oe to ˈna rima mure ore.+
E tiahi oia i te enemi i mua ia oe,+E e parau oia: ‘A haamou ia ratou!’+
28 E parahi Iseraela ma te taiâ ore,Tei te vahi ruru te pape pihaa a IakobaI te hoê fenua huero maa e te uaina apî,+I reira e topa ˈi te hupe mai te raˈi mai.+
29 E oaoa oe, e Iseraela!+
O vai hoi mai ia oe,+Te hoê nunaa o te fanaˈo i te faaoraraa a Iehova,+To paruru+E to ˈoˈe hau ê?
E otohe to oe mau enemi ma te riaria i mua ia oe,+E e haere oe na nia iho i to ratou tua.”*
Nota i raro i te api
^ “Taata afaro” te auraa, e tiaraa faaturahia o Iseraela.
^ Aore ra “aro to ˈna rima no.”
^ “To” e “oe” i roto i teie irava, o te Atua ïa.
^ Heb: “i to ihu.”
^ Aore ra “tauupu.”
^ Huri-atoa-hia “mouˈa no hitia o te râ.”
^ Aore ra “tui.”
^ Heb: “E ote hoi raua i te taoˈa rahi.”
^ Aore ra “horoi.”
^ Heb: “E e riro to puai mai to mau mahana.”
^ Huri-atoa-hia “ta ratou mau vahi teitei.”
