E. Teie te tahi mau tumu:

•   E pee maite matou i te mau haapiiraa a Iesu Mesia e i to ˈna haerea.—Petero 1, 2:21.

•   Te tiaturi nei matou e o Iesu te faaora e “aita ˈtu hoi e iˈoa i faaitehia mai i te taata i raro aˈe i teie nei raˈi, e ora ˈi tatou nei.”—Ohipa 4:12.

•   E bapetizohia te taata te riro mai ei Ite no Iehova i te iˈoa o te Mesia.—Mataio 28:18, 19.

•   E pure matou i te Atua ma te iˈoa o Iesu.—Ioane 15:16.

•   Te tiaturi nei matou e o Iesu te Upoo, aore ra tei faatoroahia ia mana, i nia i te taata atoa.—Korinetia 1, 11:3.

 Mea taa ê mau râ matou i te tahi atu mau pǔpǔ faaroo parauhia Kerisetiano. Ei hiˈoraa, te tiaturi nei matou e te haapii ra te Bibilia e o Iesu te Tamaiti a te Atua, eiaha râ i te Toru tahi. (Mataio 16:16; Mareko 12:29) Aita matou e tiaturi nei e e ora noa te hoê tuhaa o te taata i te pohe, aita roa atoa te mau Papai e parau ra e e haamauiui te Atua i te taata i roto i te po auahi e a muri noa ˈtu, aore ra e tiaraa teitei to te mau aratai i te mau ohipa faaroo.—Koheleta 9:5, 10; Mataio 23:8-10.