I te mau matahiti 1870 i fa mai ai te faanahonahoraa a te mau Ite no Iehova no teie tau. Ua hiˈopoa maite te hoê pǔpǔ iti taata haapii i te Bibilia, e faaea ra i pihai iho i te oire Pittsburgh, i Pennsylvanie, i te Hau Amui no Marite, i te Bibilia. Ua faaau ratou i te mau haapiiraa a te mau haapaoraa e ta te Bibilia e haapii mau ra. Pia ˈtura ratou i ta ratou i haapii mai i roto i te mau buka e vea, tae noa ˈtu te vea parauhia i teie nei Te Pare Tiairaa e faaite ra i te Basileia o Iehova.

 I rotopu ia ratou, te vai ra te hoê taata o Charles Taze Russell te iˈoa. Na ˈna i omua i te ohipa haapiiraa Bibilia e te piaraa i te vea matamua Te Pare Tiairaa. Teie râ, aita oia i haamau i te hoê haapaoraa apî. Ta ˈna e ta te tahi atu Feia haapii i te Bibilia noa i rave, te patururaa ïa i te mau haapiiraa a Iesu Mesia e te peeraa i te hiˈoraa o te amuiraa Kerisetiano matamua. Na Iesu i haamau i te Kerisetianoraa, na ˈna ïa i haamau i ta matou faanahonahoraa.—Kolosa 1:18-20.