Te faaohipa nei te pǔpǔ rave ohipa no te atuaturaa i te mau purumu e te mau tuio i e piti matini heru apoo no te tuu i te hoê faahaereraa pape rarahi. Te itehia ra te mau piha ohipa i muri mai.

Te tamau ra te mau rave ohipa a te tahi taiete ê i te mau faaneheneheraa pǎpai i rapaeau i te fare tahua rau. Ua maitihia te û e te huru o taua mau faaneheneheraa ra ia tu maitai i te û o te mau tumu raau.

I muri aˈe i te titoraa i te tima, te faaohipa nei te feia rave ohipa a te mau taiete ê i te matini no te haamanina e haapaari i te tahua.

Hohoˈa patahia na nia mai, mai te pae Apatoerau Hitia o te râ. I mua mai, te tâ nei te pǔpǔ rave ohipa i te fenua no te tuu atu i te vairaa pereoo o te vahi fariiraa taata. I te pae aui, te itehia ra e ua oti te niaraa auri o te vahi fariiraa taata i rotopu i na vahi ohipa e piti. I muri mai, te itehia ra te vahi haruharuraa video e te vahi tataîraa.

I pihai iho i te Nohoraa A, te hiˈopoa ra te taata taniuniu fenua i te mau faito o te fenua i muri aˈe i te faaneheneheraa i te vahi. I te mea e ua ravehia taua mau faaneheneheraa ra i te omuaraa o te paturaa, e tupu maitai ïa te mau raau tupu e te mau tumu raau ia oti te paturaa.

Te tuu ra te feia peni i te hoê tapau i te tahua o te vahi vairaa pereoo. E tiaa oeoe to te rima tauturu i te pae aui, eita ïa te tahua e ino ia taahi oia i nia iho. Maoti teie tapau, aita te tahua e ino i te roaraa o te tau aore ra i te hinu pereoo. Tano maitai te reira no te hoê vahi vairaa pereoo.

Te faito e te tapu nei te feia tamau tuio i te mau niuniu e tapea ra i te mau mauhaa no te haaveavea i te hoê vahi ohipa rarahi.

Te tuu nei te feia rima tauturu i te peni matamua i te vahi ohipa. I nia ˈtu i te vahi ohipa taitahi, ua tuuhia te hoê matini no te haaveavea, haapuvaivai aore ra faatoetoe i te vahi. Ua paruruhia taua matini ra e te hoê pute.

Te tamau ra te feia rima tauturu i te hoê auri i nia ˈtu i te vahi e tuuhia ˈi te iri vairaa i te vahi fariiraa taata.

Te faaohipa nei te feia rave ohipa a te mau taiete ê i te hoê hivi e te mau mauhaa tano no te tapiri i te pǎpai hiˈo i rapaeau i te vahi tamaaraa e te vahi putuputuraa.

Te tuu ra te pǔpǔ rave ohipa roro uira i te mau faahoro uira i nia i te mau niuniu roro uira. E itehia e 50 tiahapa kilometera niuniu i na tahua e maha o te mau vahi ohipa. Ua hamanihia taua mau tahua ra ia nehenehe i muri iho e faanaho ohie i te vahi ohipa mai tei hinaarohia.

Te rave ra te pǔpǔ faaora taata i te hoê faaineineraa. Te faaora nei ratou i te hoê taata tei topa mai, mai te hoê paepae e o te tautau ra i nia i ta ˈna taura paruru.

Te tuu ra te hoê rave ohipa no te atuaturaa i te mau purumu i te hoê auri no te ite i te faito tano hou a tuuhia ˈi te mau ofai manina faaneheneheraa. I pihai iho i te vahi haereraa taata, te heruhia ra i te mau apoo no te tanu atu i te mau tumu raau nehenehe mau o tera fenua.

Hohoˈa patahia na nia mai. Ua tuuhia te mau ravea uira maoti te mahana i te niaraa o te vahi haruharuraa video, vahi tataîraa e vahi ohipa. E fanaˈohia ïa te uira maoti te ito o te mahana.

Te tamauhia ra te mau mereti ofai faanehenehe i te tahua toru. Te eˈa puatou, o te hoê ïa ravea no te faataa ê te tima o te tahua e te mau mereti ofai faanehenehe ia ore te reira ia parari.

Ua poia roa te feia rave ohipa. Te tamaa ra ratou i te vahi tamaaraa tau poto. Ua faanahohia e toru pǔpǔ tunuraa maa no te faatamaa 1 000 taata i te mahana taitahi.

I muri mai, te uta ra te mau pereoo rarahi i te mau mauhaa no te paturaa. I te pae atau, ua tuuhia te hoê ravea paruru mahana i nia i te mau pou no te paruru i te vahi tamaaraa e te vahi putuputuraa i te mahana i te tau toetoe.

Te tuu nei te pǔpǔ atuaturaa tahua i te mau vauvau tahua. Te ohipa atoa ra te mau rima tauturu tei tae mai no te hoê porotarama taa ê: ua anihia i te mau amuiraa a te mau Ite no Iehova no Beretane e Irelane ia tono mai i te mau rima tauturu no te hoê noa mahana ohipa. I te hopea o te avaˈe Fepuare, ua tauturu mai hau atu i te 5 500 taata i taua opuaraa paturaa ra.

Te patu nei te mau rave ohipa a te taiete ê i te hoê pǎpai rarahi i ropu o te vahi tataîraa. Ua tuuhia te mau otia puatou no te taotia i te vahi haereraa taata i reira i faaohipahia ˈi te mau matini uta taata.

Te hamanihia ra te tahua faateiteihia i te vahi fariiraa taata. I te hoê â taime, te ohipa ra te feia rima tauturu ia vai mâ noa tera vahi.