E varua te Diabolo, aita ïa e tino taata to ˈna. Te auraa ïa e eita hoê aˈe taata o te nehenehe e ite mata ia ˈna.—Ephesia 6:11, 12.

 Mea pinepine te taata i te peni i te hohoˈa o te Diabolo mai te hoê puaaniho, e tara to ˈna, e aero e e patia atoa to ˈna. Ua parau vetahi e no ǒ mai tera huru faahohoˈaraa o te Diabolo i te taata peni hohoˈa o te tau tahito tei pee i te mau peu e te mau aai tahito.

•  Eaha ta te Bibilia e parau ra no nia i te Diabolo?

•  Te mau irava Bibilia no nia i te Diabolo

 Te faaohipa ra te Bibilia e rave rau huru faahohoˈaraa no te faahiti i te Diabolo. E tauturu mai te reira ia taa maitai eaha to ˈna huru mau, eiaha râ to ˈna huru rapaeau. Ua faaauhia o ˈna:

•   I te hoê melahi no te maramarama. Te faahua parau ra te Diabolo e e hinaaro o ˈna e tauturu i te taata. Tera râ, te haavare noa ra oia i te taata no te turai ia ratou ia pee i ta ˈna mau haapiiraa, eiaha râ i ta te Atua.—Korinetia 2, 11:14.

•   I te hoê liona uuru. Te aro uˈana ra o ˈna i te mau tavini a te Atua.—Petero 1, 5:8.

•   I te teni rahi. E mea riaria oia, mea puai atoa e mea au na ˈna ia hamani ino i te taata.—Apokalupo 12:9.